Ձեր վստահելի աղբյուրը

«Այս մարդու հրամանատարության տակ գործում են զինված ուժեր, 18 տարեկան տղաները գնում են բանակ պարտքը տալու հայրենիքին, բայց չգիտեն, որ իրենց պարտքը տալու վայրը ղեկակվարում է մի մարդ, որը ուզում է ոչ թե պարտքը տա հայրենիքին, այլ հայրենիքը տա ու չգիտի, թե էլ ինչ զիջի, որ Ադրբեջանն ասի՝ այո»,- «Հայելի» մամուլի ակումբում հայտարարեց «Քաղաքացիական գիտակցություն» ՀԿ նախագահ, քաղաքագետ Նարեկ Սամսոնյանը՝ ներկայացնելով նախօրեին ասուլիսում Նիկոլ Փաշինյանի արած հայտարարություններից ստացած կարծիքը:

Նրա ներկայացմամբ՝ Փաշինյանը հուսահատ ձևով խոսում էր Թուրքիային և Ադրբեջանցիներին զիջումներ անելու վերջին կետից՝ տարակուսելով, թե էլ ինչ զիջում պետք է անի, որ թյուրքական կողմը բավարարվի:

«Զինվորներին ասել է՝ չկրակեք, ով կրակի դատվելու է, այդ զիվորները չեն կրակել, գնացել ընկել են գերի, հիմա էլ ասում է՝ ով գերի է ընկել, պետք է դատվի»,-նկատեց բանախոսը:

Սամսոնյանը պնդեց, որ ասուլիսում տասնյակ ընդդիմադիր լրատվամիջոցների հարցեր չեն հնչել և տեղեկացրեց, որ միայն իր կազմակերպությունից 20 հարց է ուղարկվել, որոնք այդպես էլ չհնչեցրեցին:

Նարեկ Սամսոնյանի կարծիքով՝ Նիկոլ Փաշինյանը պատասխանեց միայն այն հարցերին, որոնց նախապատրաստվել էր և թողել է խեղճի տպավորություն:

«Եթե այնգամ  մարտավարություն էր, ապա կոտրված մարդու մարտավարություն էր,  ամբողջությամբ հուսահատված, իրավիճակի նկատմամբ ամբողջությամբ վերահսկողությունը կորցրած մարդու ասուլիս մենք տեսանք»,-հայտնեց բանախոսը և պնդեց, որ այդ վիճակում Փաշինյանն անգամ Սոմալիի վարչապետ լինելու արժանի չէր:

Նարեկ Սամսոնյանը նկատեց, որ ասուլիսում Փաշինյանը թուրքերին թշնամի համարողներին եղեռնի ենթակա մարդիկ հռչակեց և ենթադրեց, որ ասուլիսում լսել է մի մարդու, որը մոլորվել է իր ստեղծած քաոսի մեջ և խեղճ, ստախոս, դավաճանի կերպարով էր հանդես գալիս:

Անդրադառանալով Փաշինյանի խոսքին, թե չճշտված տեղեկություններով նոյեմբերի 16-ին 24-ից բացի մենք ունեցել ենք ևս 8 գերի՝ Սամսոնյանը շեշտեց, որ նա նաև չի տիրապետում իրավիճակին:

«Քաղաքացիական գիտակցություն» ՀԿ նախագահը տարակուսեց, որ Նիկոլ Փաշինյանն այնքան էր խեղճացել, որ առաջին անգամ չխոսեց նույնիսկ իր սիրելի թեմայից՝ նախկիններից, թալանը, դղյակները հետ բերլուց:

Նարեկ Սամսոնյանը Փաշինյանի ասուլիսից այն տպավորությունն է ստացել, որ նա ընդամենը հասարակությանն ուզում էր ասել, որ ամեն դեպքում ստորագրելու է փաստաթուղթը:

Ըստ Սամսոնյանի՝ Նիկոլ Փաշինյանը միջազգային հանրությանը բազմաթիվ բաներ է խոստացել բայց չի անում և, միջազգային ավանտյուրաների մեջ մտնելով, բոլորիս խայտառակ է արել:

ՀԿ ղեկավարը նաև տեղեկացրեց, որ ՔՊ-ի ներսում, ցածր մակարդակներում, արդեն խոսակցություններ կան, թե ո՞վ է լինելու Նիկոլից հետո վարչապետը, քանի որ համոզված են նրա մոտալուտ հեռացման մեջ: