Ձեր վստահելի աղբյուրը

«Նիկոլ Փաշինյանի խոսքին հավատացողները միամիտ, տգետ, անգրագետ մարդիկ են»,-«Հայելի» ակումբում հայտարարեց Հայոց ազգային գվարդիայի հրամանատար, «Հայահավաք» շարժման խորհրդի անդամ Տիգրան Չոբանյանը՝ անդրադառնալով նախօրեին Փաշինյանի տված հարցազրույցին:

Նրա կարծիքով՝ նոյեմբերին 9-ի կապիտուլյացիայի փաստաթղթի ստորագրումից անմիջապես հետո Նիկոլ Փաշինյանը երբև է չի թաքցրել, որ պատրաստվում է ամբողջությամբ զիջել Արցախը և  ՀՀ ինքնիշխանությունն ու ինքնուրույնությունը:

Չոբանյանը պնդեց, որ խոսքը գնում է Սյունիքը հատող միջանցքի մասին, ոչ թե ճանապարհի, ինչպես պնդում է Փաշինյանը և նկատեց, որ վերջինս ստում է ճանապարհի մասին խոսելիս, որը շատ նման է Սև լճի դիրքերի և Վարդենիս-Շորժա հատվածի տարածքների հանձնման փաստը ժխտելու մասին նրա հայտարարություններին:

«Խոսքը գնում է լավագույն դեպքում միջանցքի մասին, իսկ վատագույն դեպքում, իմ կարծիքով, խոսքը գնում է ամբողջ Սյունիքը տալու մասին, քանի որ, վստահաբար ասում եմ, որ Ալիևը ձեռքից բաց չի թողնի իր երազած Զանգեզուրի զավթման հնարավորությունը, քանի դեռ Հայաստանի իշխանության գլուխ է այս ապիկար թշնամին»,- հայտարարեց Հայոց ազգային գվարդիայի հրամանատարը:

Նրա պնդեց, որ սուտ է Փաշինյանի նաև այն պնդումները, որ  նույն ձևով էլ Ադրբեջանով անցնող ճանապարհներից օգտվելու են ՀՀ քաղաքացիները:

Շեշտելով, որ այն հնարավոր չէ՝ բանախոսը բերեց խաղաղ բնակչության և զինվորականների նկատմամբ ադրբեջանցիների բարբարոսությունների օրինակը:

Նա հիշեցրեց նաև խորհրդային տարիները և փաստեց, որ բոլոր գնացքները, որոնք սպասարկում էին ներհանրապետական ճանապարհները, երբ անցնում էին Մասիսի շրջանի ադրբեջանաբնակ գյուղերի միջով, պարտադիր քարկոծվում էին ադրբեջանցիների կողմից: 

«Եթե Հայաստանում բնակվող ադրբեջանցինորը մեր երկրում այդպես են իրենց պահել, ապա ինչպե՞ս են վարվելու իրենց եկրում՝ Ադրբեջանում»,-ասաց Չոբանյանը  և ենթադրեց, որ բացվող ճանապարհը, եթե իրոք ճանապարհ է, սպասարկելու է միայն Թուրքիայի և Ադրբեջանի շահերը: