Ձեր վստահելի աղբյուրը

Վրաստանի կապի հանձնաժողովը տուգանել է ընդդիմադիր «Մտավարի Արխի» հեռուստաընկերությանը 111,9 հազար լարիով (մոտ 36 հազար դոլար) տեսանյութի համար, որում ՌԴ նախագահ Վլադիմիր Պուտինի դիմանկարը կազմված է իշխող «Վրացական երազանք» կուսակցության ներկայացուցիչների լուսանկարներից։ Այս մասին գրում է «ՌԻԱ ՆՈՎՈՍՏԻ» գործակալությունը:

«Հաղորդակցության հանձնաժողովը «Մտավարի Արխիին» տուգանել է 111,9 հազար լարիով։ Հանձնաժողովը սանկցիա է կիրառել հասարակական կազմակերպության կողմից պատրաստված տեսահոլովակի հեռարձակման համար, որում Պուտինը պատկերված է «Վրացական երազանքի» անդամների լուսանկարներով»,-ասվում է հեռուստաընկերության հայտարարության մեջ։

Բացի այդ, հայտարարության մեջ ասվում է, հեռուստաալիքը տուգանվել է տեսանյութի համար, որտեղ ասվում է, որ Վրաստանի ներկայիս կառավարության անդամները Վրաստանի նախկին նախագահ Միխեիլ Սաակաշվիլիի սպանողներն են։