Ձեր վստահելի աղբյուրը

«Յոթերորդ օրն է, մենք խոսում ենք սահմանագծման ու սահմանազատման փաստաթղթի վտանգների մասին»,- Հանրապետության հրապարակում հայտարարեց միջազգային հարաբերությունների մասնագետ Մենուա Սողոմոնյանը։

Անդրադառնալով երեկ Սոչիում ստորագրված հայտարարության ու հնչած հայտարարություններին՝ նա ընդգծեց՝ Պուտինն իր խոսքում ասաց, մինչև տարեվերջ պետք է սահմանազատման-սահմանագծման աշխատանքների մեխանիզմները ստեղծվեն։

«Սա ամենակարևոր հանգամանք է, որի բացահայտումն ենք մենք պահանջում, այն դեռ գաղտնի է մնում»,- ասաց նա։

Սողոմոնյանն ուշադրություն հրավիրեց նաև այն հանգամանքին, որ հանդիպումներից հետո ՌԴ նախագահը հրավիրել է անվտանգության խորհրդի նիստ՝ ներկայացնելու արդյունքները։

«Չեմ կարծում, որ փաստաթղթում ներկայացվել է արդեն հրապարակված տեքստը, ներկայացվել է այն, ինչը մեզանից գաղտնի է պահվում։ Ուստի պարզ է դառնում, որ փաստաթղթի իրական բովանդակությունը գաղտնի է պահվում»,- ասաց նա։