Ձեր վստահելի աղբյուրը

Տուլայի մարզի Բեխովո գյուղը հայտնվել է համաշխարհային զբոսաշրջային կազմակերպության (UNWTO) կողմից հայտարարված «Լավագույն տուրիստական գյուղեր» մրցույթի հաղթողների թվում: Այս մասին հաղորդում է «ՌԻԱ ՆՈՎՈՍՏԻ» գործակալությունը։

Դիմողների թվում են եղել 75 երկրների 170 գյուղեր և քաղաքներ, որոնցից վերջում մնացել են 44-ը։  Ռուսաստանը ներկայացրել է երեք հայտ՝ բացի Բեխովոյից, նաև Սվերդլովսկի մարզի Վիսիմ գյուղը և Յարոսլավլի Վյացկոե գյուղը։

Ժյուրիի ընտրության ժամանակ հաշվի է առնվել, թե որ գյուղերն են լավագույնս պահպանել իրենց իսկությունը, սակայն հարմարվել են զբոսաշրջիկների հետաքրքություններին։

«Այն վայրերը, որոնք հաղթող են դարձել, առաջարկվելու են հանրությանն ու կազմակերպություններին աջակցել դրանց»,- պարզաբանել է Ռոստուրիզմի ղեկավար Զարինա Դոգուզովան:

«Բեխովոն միակ գյուղն է ոչ միայն Ռուսաստանում, այլև ողջ հետխորհրդային տարածքում, որը հաղթողների թվում է եղել։ Այնտեղ յուրահատուկ մթնոլորտ է տիրում»,- ասել է Դոգուզովան։

Բոխովոն նկարիչ Վասիլի Պոլենովի անվան ազգային արգելոցի մաս է կազմում։ Այնտեղ կա հուշահամալիր, որտեղ հուղարկավորված է նկարիչը։ Գլխավոր տեսարժան վայրը եկեղեցին է, որը Պոլենովն ինքն է նախագծել և կառուցել։