Ձեր վստահելի աղբյուրը

Վիտամին A-ն, որն ավանդաբար համարվում է արդյունավետ հակաքաղցկեղային միջոց, կարող է հանգեցնել նորագոյացությունների: «Գազետա ռու»-ի փոխանցմամբ՝ այդ մասին բժիշկ Ելենա Սոլոմատինան պատմել է «Вечерняя Москва» թերթին տված հարցազրույցում։

Նա հիշեցրել է, որ ցանկացած դեղամիջոց պետք է չափավոր ընդունվի, իսկ չափից մեծ չափաբաժինը կարող է հանգեցնել լուրջ բարդությունների։ Այսպիսով, նրա խոսքով, վիտամին C-ի չափից ավելի օգտագործումը կարող է հանգեցնել երիկամների քարերի առաջացմանը, և մարդու մոտ կարող է առաջանալ նաև ալերգիկ ռեակցիա։ Միաժամանակ, փորձագետը նշել է, որ վիտամին C-ն լուծվում է ջրում, արտազատվում երիկամներով և դժվար է կուտակվում։

Վիտամին D-ն վատ է լուծվում ջրում և արտազատվում է լյարդի միջոցով, ինչպես վիտամին E-ն։ Այս երկու վիտամիններն էլ կարող են բացասական ռեակցիա առաջացնել օրգանիզմում, ընդգծել է Սոլոմատինան։

Մասնագետը հավելեց, որ հղի կանայք պետք է հատկապես զգույշ լինեն վիտամինների նկատմամբ, քանի որ որոշ սինթետիկ հավելումներ կարող են առաջացնել երեխայի վիժում կամ դեֆորմացիա։