Ձեր վստահելի աղբյուրը

Գերագույն Ռադայի ավելի քան 120 պատգամավոր ստորագրել են Ուկրաինայի վարչապետ Դենիս Շմիգալին ուղղված դիմումը՝ պահանջելով դադարեցնել «Իմ երիտասարդ իշխանը» ֆիլմի պետական ֆինանսավորումը, որը նվիրված է ԼԳԲՏ համայնքի թեմային։ «Գազետա ռու»-ն հայտնում է, որ այդ մասին ֆեյսբուքյան իր էջում հայտնել է Ռադայի պատգամավոր, «Կուսակցություն հանուն ապագայի» պատգամավորական խմբի անդամ Վիկտոր Մյալիկը։

Նրա խոսքով, այդ ֆիլմը  «ոտնձգություն է հասարակական բարոյականության հիմքերի նկատմամբ, քարոզում է հայհոյանք և անարգանք կրոնական սրբավայրերի նկատմամբ»։

Պատգամավորները խնդրում են շտապ միջոցներ ձեռնարկել Ուկրաինայի քրեական օրենսգրքի «Հասարակական բարոյականության պաշտպանության մասին» օրենքի 2-րդ հոդվածի պահանջների խախտումը վերացնելու և պետական բյուջեից ֆիլմի ֆինանսավորումը չեղարկելու համար

Նոյեմբերի 8-ին Ուկրաինայի պետական կինոգործակալությունը 20 միլիոն գրիվն է հատկացրել ԼԳԲՏ թեմայով ուկրաինական առաջին՝ «Իմ երիտասարդ արքայազն» ֆիլմի նկարահանման համար։ Այս նախագիծը 17-րդ պետական կինոմրցույթում հաղթող է ճանաչվել «Գեղարվեստական և մշակութային նշանակության գեղարվեստական ֆիլմեր (հեղինակային)» անվանակարգում։ Ֆիլմի ռեժիսորը Խաչիկ Վասիլյանն է։