Ձեր վստահելի աղբյուրը

Արարատի մարզի Վեդի խոշորացված համայնի Ուրցաձոր գյուղում Գարիկ Սարգսյանը ջախջախիչ պարտություն է կրել:

Այս մասին գրում է «Հրապարակ»-ն ու մանրամասնում, որ ՔՊ-ի օգտին քվեարկել է 420 մարդ, իսկ «Իմ հզոր համայնք»-ի օգտին 728, Հ«անրապետություն»-ը ստացել է 120 ձայն:

«Իմ հզոր համայնք»-ի ցուցակում է նաև Ուրցաձորի համայնքապետ Ռաֆիկ Անդրեասյանը, որը հեղափոխությունից առաջ հայտնվեց իշխանության թիրախում, նրան հրաժարական պարտադրեցին, սակայն նոր ընտրություններով գյուղը նորից վերադարձրեց իր համայնքապետին:

Ավելի վաղ  աղբյուրը գրել էր, որ Վեդիի 18/45 ընտրատեղամասում Քաղպայմանագիրը ի դեմս Գարիկ Սարգսյանի ձայների մեծ տարբերությամբ պարտվել է նորաստեղծ «Իմ հզոր համայնք» կուսակցությանը,

Նշենք, որ «Իմ հզոր համայնք» կուսակցության ցուցակը գլխավորում է Սիսավանի գյուղապետ Սպարտակ Թարթիկյանը։ Նույն ցուցակում են խոշորացվող Վեդիի կազմի մեջ մտնող Վանավանի գյուղապետը, Լուսաշողի ու Շաղափի վարչական ղեկավարները։