Ամեն օր Փաշինյանի թիմն, Արմեն Սարգսյանի թամադայությամբ, քանդում է մեր պետականությունը. Արա Զոհրաբյանը
«Ամեն օր Նիկոլ Փաշինյանի թիմը, Արմեն Սարգսյանի թամադայությամբ, քանդում է մեր պետականությունը, վաղն այն հետ բերելը շատ դժվար է լինելու»,-հրավիրված մամուլի ասուլիսում հայտարարեց «Զարթոնք» ազգային քրիստոնեական կուսակցության գործադիր մարմնի պատասխանատու Արա Զոհրաբյանը։
Շեշտելով, որ իշխանությունը չի կարողանում պաշտպանել երկրի շահերը, իսկ Փաշինյանն էլ ի վիճակի չէ բանակցել՝ բանախոսը հիշեց Աստվածաշնչի այն արտահայտությունը, որում ասվում է. «Իր գործում թույլ լինողը՝ փչացնողի եղբայրն է»։
Զոհրաբյանն ասաց, որ երկիրը հայտնվել է Հ. Թումանյանի կկվի իրավիճակում, երբ աղվեսն ամեն անգամ մի ձագ է պահանջում, և նկատեց, որ այս դեպքում կկուն ոչ թե Փաշինյանն է, այլ ժողովուրդը, իսկ Նիկոլ Փաշինյանը գիտակցված և նպատակային է գնում զիջումների։
Անդրադառնալով ԱԺ-ում Փաշինյանի արած այն հայտարարությանը, թե 2016 թվականին Արցախի՝ Ադրբեջանի կազմում չլինելու գործնական և տեսական բոլոր հնարավորությունները բացառվել են՝ բնախոսը շեշտեց, որ դրանով նա պարզ ասաց, որ Ադրբեջանի կազմում է տեսնելու Արցախը։
«Այս իշխանություններն այսօր ի վիճակի չեն և մեր հայրենակիցներին այն ինչքան ուշ գիտակցեն, այքան վիճակը բարդանալու է»,-նկատեց բանախոսը։
Անդրադառնալով քաղաքական դաշտում Ժիրայր Լիպարիտյանի հայտնվելու փաստին՝ Արա Զոհրաբյանը շեշտեց, որ նրա արտահայտությունները, հայտնվելը պատահական չեն։
Նա պնդեց, որ մեր հայրենակիցները Լիպարիտյանի հայտարարությունների հետ համաձայն չեն լինի, քանի որ լավ գիտեն, որ չեն կարող Թուրքիայի և Ադրբեջանի հետ համերաշխության մեջ ապրել, եթե ինքնապաշտպանության գործիքակազմից հրաժարվեն։
«Մենք նրանց հարևանությամբ կկարողանանք ապրել անվտանգ, միայն, եթե պատրաստ լինենք պատերամզի, ի վիճակի լինենք մեզ պաշտպանելու»,-ասաց «Զարթոնք» կուսակցության ներկայացուցիչը։
Զոհրաբյանի խոսքով, եթե հայկական պետությունները պաշտպանության գործիքակազմից զրկվեն, ապա հարևանները կսկսեն շատ արագ տնտեսական ոլորտում գրավել մեզ և ժամանակի հարց կլինի, թե մարդկանց ինչպես կաքսորեն հայաստանից։
Նա նակտեց, որ Ադրբեջանի նախագահն իր զավթողական պահանջատիրական մտքերը չի թաքցնում և նրա հավակնությունները Երևանի, Սևանա լճի, Սյունիքի նկատմամբ միշտ հայտնում է։
Զոհրաբյանն ասաց, որ ՀՀ իշխանությունները չեն հակադարձում Ալիևի այն հայտարարությանը, որ Բերձորի միջանցքը և Մեղրիով անցնելիք ճանապարհը պետք է չունենան նույն կարագավիճակը և չեն փաստում, որ այն միջանցք է մնացել, քանի որ առանց կրակոցին է հանձնվել Քաշաթաղի, Շահումյանի և Ակնայի շրջանները։
Բանախոսը նկատեց, որ այն դեպքում, երբ թշնամին ներխուժում է ՀՀ սահմաններից ներս՝ Նիկոլ Փաշինյանը Հանրապետությունում ոստիկանական բռնաճնշումներ է իրականացնում, իսկ որոշ ոստիկաններ արդեն ներգավված են քաղաքական գործընթացների մեջ։
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
