Ձեր վստահելի աղբյուրը

«Դեկտեմբերի 5-ին կայացած ՏԻՄ ընտրություններից հետո մի շարք համայքներից ահազանգեր ենք ստանում, որ այս կամ այն ընտրված ավագանու անդամի նկատմամբ իրականացվում են բռնաճնշումներ»,- Ազգային ժողովում արտահերթ նիստի ժամանակ ասաց «Պատիվ ունեմ» խմբակցության պատգամավոր Թագուհի Թովմասյանը:

Նա նշեց, որ այդ քաղաքական ճնշումները հետաքրքիր զուգադիպությամբ համընկնում են այն օրերի հետ,  երբ պետք է տեղի ունենա ավագանու նիստ, ընտրություն և ընտրվի համայնքի ղեկավար:

Ընդդիմադիր պատգամավորի խոսքով, ահազանգեր հնչեցրած բոլոր համայնքներում «Քաղաքացիական պայմանագիր» կուսակցությունը չի հավաքել 50+1: Նա թվարկեց մի քանի քաղաքներ՝ Ախուրյան, Թալին, Վեդի, Նոյեմբերյան, Բերդ, Գորիս, Վանաձոր, Վարդենիս՝ նշելով, որ ցանկը կարելի է շարունակել:

«Սա քաղաքական հետապնդման դասական օրինակ է: Օրինակ, Մամիկոն Ասլանյանին  որևէ մեկը որևէ կերպ չէր հիշում, հանկարծ եկավ ընտրության օրը ու հիշեցին, որ նրա  նկատմամբ պետք է քրեական գործ հարուցել և ավագանիների նկատմամբ ճնշումները շարունավում են»,- ասաց Թագուհի Թովմասյանը