Ձեր վստահելի աղբյուրը

«Ապրելու երկիր» կուսակցության համահիմնադիր Մեսրոպ Առաքելյանը, որ նախկինում «Առաքելություն» կուսակցությունից էր, գրել է.

«Հարգելի երևանցիներ,

Ներողություն եմ խնդրում, որ մեր սիրելի քաղաքը շուտով ղեկավարելու  է անդեմ ու անմեղսունակ մի անձնավորություն, ում աշխատանքային և քաղաքական կարիերայում ունեցել եմ բացառիկ ներդրում։

Ցավում եմ, որ այս դժվարին ժամանակներում երևանցիներին սպասվում է ևս մեկ անխուսափելի և երաշխավորված հիասթափություն։

Պատերազմից հետո վարչապետի հրաժարականը պնդող, սակայն իր պաշտոնը դրանից վեր դասող սույն անձնավորությունը Երևանի կառավարումը վերածելու է այնպիսի քաոսի, որ երանի եք տալու նախորդ, ու դրանից էլ նախորդ բոլոր քաղաքապետերին։

Անելու եմ առավելագույնը՝ իմ անձնական և քաղաքական դաշտից վաղուց դուրս շպրտված անձնավորությանը դուրս շպրտել նաև մեր սիրելի քաղաքի կառավարման բոլոր օղակներից։
Հ.Գ. Քանի ուշ չէ, խելքի աշեցեք...»։

Հիշեցնենք, որ Երևանի քաղաքապետի պաշտոնում «Իմ Քայլը»-ն առաջադրում է  Հրաչյա Սարգսյանի թեկնածությունը։ Վերջինը եղել է «Առաքելություն» կուսակցության անդամ։