Ձեր վստահելի աղբյուրը

«Աշոտ Մինասյանի տեսակի  հայրենանվեր, ազգանվեր մարդուն արդեն 17 օր փակած են պահում, սա նշանակում է, որ մենք դատական խորհուրդ չունենք, հետևաբար ինձ համար անհասկանալի է, թե դրա  ի՞նչն է  բարձրագույն»,- ԲԴԽ-ի մոտ անցկացվող ակցիայի ժամանակ ասաց ԵՊՀ դասախոս, գրականագետ Սերժ Սրապիոնյանը:
 
Նրա խոսքով՝ ազգային հերոսին փակում են, առանց որևէ իրավական հիմնավորման, քանի որ 17 օր է Մինասյանի կալանավորման որոշումը չեն տվել փաստաբանին։

«Ես իրավաբան չեմ, բայց հասկանում եմ, որ սա իրավական անգրագիտություն է, սա  վրեժխնդրություն է»,-հայտարարեց  Սրապիոնյանը և բացատրեց. «Գիտե՞ք ինչու է վերժխնդրություն, որովհետև Գագիկ Ջհանգիրյանի նմանները 90-ականներին իրենց կանանց ծոցում պառկած, հանգիստ քնած են եղել, իսկ Աշոտ Մինասյանն իր եղբորը տարել է  զոհասեղանին՝ երկիր փրկելու։ Միանսյան Աշոտը արյուն է տվել էս հայրենիքին և  մինչ օրս տալիս է»։

Գրականագետը, հայցելով ներկաների ներողամտությունը, ստեղծված իրավիճակը բնութագրեց «բեսպրեդել» որակավորմամբ:

Սերժ Սրապիոնյանը հայտարարեց, որ իշխանություններն ուղիղի ճակատով հարձակվել են ԵՊՀ-ի վրա, գրավում են այն:

«Ժողովրդավարական Բաստիոն հայտարարված Հայաստանը աշխարհի ամենաբռնատիրական երկիրն է այսօր, ենթարկվում է ինչ-որ մի էակի կարգին, որի ծագումնաբանությունը հայտնի չէ շատ-շատերի համար»,-նկատեց ԵՊՀ դասախոսը:

Նա նաև հայտարարեց, որ չկա մի երկիր, որտեղ իշխանիկները, լրտեսական ցանց ղեկավարողները շրջապատված լինեն 5-6 շարք ոստիկաններով: