Ձեր վստահելի աղբյուրը

«Այսօր իշխանությունները հետևողականորեն իմաստազրկում և ոչնչացնում են պետական ինստիտուտները և ատրիբուտները, պետությունը զրկել են միջազգային հարաբերություններում որևէ դերակատարությում ունենալու հնարավորությունից»,-ՀՀԿ 17-րդ համագումարում հայտարարեց կուսակցության գործադիր մարմնի անդամ Դավիթ Հարությունյանը՝ շեշտելով, որ գործող իշխանությունները դարձել են ադրբեջանաթուրքական տանդեմի խամաճիկն ու հետևողականորեն կատարում են նրա բոլոր  ցանկությունները:

Հարությունյանի խոսքով՝ գործող իշխանությունների այդ քաղաքականության պայմաններում վտանգվում է ոչ միայն Արցախի ապագան, այլ նաև Հայաստանի անվտանգությունն ու ինքնիշխանությունը:

Նա հայտարարեց, որ աղետալի վիճակից դուրս գալու համար պետք է հաղթահարվեն չափազանց բարդ մարտահրավերները:

Նկատելով, որ Հայաստանը նման ծայրահեղ բարդ իրավիճակում երբեք չի եղել՝ Հարությունյանը շեշտեց, որ այն հաղթահարելու համար անհրաժեշտ են նոր որակի քաղաքական ուժեր, որոնք ունակ են առաջարկելու նոր որակի մարտավարություն և ոչ ստանդարտ լուծումներ:
 
Նա հայտնեց, որ 2018 թվականից հետո փոխվել է նաև ՀՀԿ կարգավիճակը, այն այլևս ընդդիմություն է և բռնաճշումների է ենթարկվում գործող իշխանությունների կողմից, բայց նման միջոցնրով իրենց կանգնեցնել չեն կարող:

«Մենք ուժեղացնելու ենք պայքարը երկիրը կործանման տանող արկածախնդիր իշխանություններից ազատվելու համար, որպեսզի երկրում ապահովվի նոր որակի արդյունավետ կառավարում և մարտահրավերները հաղթահարելու կարողություն ունեցող իշխանություն»,-հայտարարեց ՀՀԿ գործադիր մարմնի անդամը:

Նա հայտնեց, որ ելքը կուսակցության գործունեության արդյունավետության կտրուկ բարելավումն է՝ կազմակերպական կարողությունների վերանայման և կուսակցության անդամնների և սկզբնական կազամկերությունների դերակատարությունների էական մեծացմամբ, որի հիմքում պետք է լինեն կուսակցության դավանած սկզբունքներն ու արժեքները:

Դավիթ Հարությունյանը հայտնեց, որ առկա նպատակներից և իրավիճակներից ելնելով խմբագրվել են կուսակցության խնդիրնները և թվարկեց, թե որոնք են եղել առաջնայինները.
«Կուսակցության արժեքների և սկզբունքների շուրջ համախմբված անադամների շրջանակների ընդլայնում.

-Տարածքային կազմակերպությունների գործուն ցանցերի ձևավորում.

-Ընտրական գործընթացներին ակտիվ մասնակցություն.

-Կուսակցության նախընտարական ծրագրի և ընտրական ցանկի ձևավորում՝ կուսակցության բոլոր օղաների ակտիվ ներգրավմամբ.

-Կուսակցության վերլույծությունների հետազոտությունների և մշակումների ներկայացում հասարակությանը»:

Դավիթ Հարությունյանը հայտնեց, որ այդ նպատակին հասնելու համար անհրաժեշտ կազմակերպական մեխանիզմներ են կիրավելու:

«Դրա համար պետք է սկզբնական կազմակերպության դերակատարումն բարձրացվի՝ նոր անդամների անդամակցմամբ, որոնց ընդունման լիազորությունը վերապահվում է բացառապես սկզբնական կազմակերպությանը՝ կուսակցության երկու անդամի երաշխավորագրի առկայությամբ»,-շեշտեց ՀՀԿ ԳՄ անդամը:

Նրա ներկայացմամբ՝ կուսակցության կառուցվածքի փոփոխության արդյունքում սկզբնական կազմակերպությունն դառնում է միակ տարածքային կառույցը և հանվում են այն կառույցները, որոնք չունեին մեծ ծանրաբեռնվածություն, բայց թուլացնում էին կենտրոնական մարմնի կապը սկսզբնական կազմակերպությունների հետ, նվազեցնում կառավարման օպերատիվությունը:

«Ըստ կանոնադրական փոփոխությունների՝  միակ միջանկյալ օղակը մնում է միայն շրջանային խորհուրդները, որոնց կապը կուսակցության ղեկավար մարմինների հետ մշտապես պետք է ապահովի գործադիր մարմնի այն անդամը, որը նշանակվել է այդ շրջանի համակարգող»,-ներկայացրեց Հարությունյանը և հավելեց, որ սկզբնական կազմակերպություններն են որոշելու ՏԻՄ մարմինների ղեկավարի և անդամների թեկնածուներին՝ բացառությամբ համամասնական ընտրակագով ընտրվող ավագանիների: