Ձեր վստահելի աղբյուրը

«Հայաստանի Հանրապետական» կուսակցության նախագահ վերընտրվեց ՀՀ երրորդ նախագահ Սերժ Սարգսյանը։

ՀՀԿ 17-րդ համագումարում ՀՀԿ նախագահի ընտրությանը մասնակցել ու քվեաթերթիկ է ստացել 525 պատվիրակ։ ՀՀԿ նախագահի պաշտոնի համար առաջադրված Սերժ Սարգսյանը ստացել է  523 կողմ,  2 դեմ ձայն, անվավեր չի քվեաթերթիկ չի եղել։

Գործադիր մարմի անդամներ են ընտրվել՝ 

Աբրահամյան Տիգրան
Աշոտյան Արմեն
Աճեմյան Կարինե
Ավագյան Կարեն
Բաղդասարյան Վահրամ
Եսայան Մարգարիտ
Զաքարյան Արտակ
Թադևոսյան Ռուբեն
Լալայան Մուշեղ
Հարությունյան Դավիթ
Մամիջանյան Հայկ
Մարգարյան Տարոն
Մինասյան Գագիկ
Մկրտչյան Աննա
Նիկոյան Սամվել
Շարմազանով Էդուարդ
Սահակյան Գալուստ

Սերժ Սարգսյանը շնորհավորեց ՀՀԿ գործադիր մարմի անդամ ընտրված իր գործընկերներին, մաղթեց նրանց արգասաբեր աշխատանք, քանի որ գործադիր մարմնի անդամների աշխատանքից մեծապես կախված է կուսակցության մարտունակությունը։

«Հարգելի պատվիրակներ, ուզում եմ հավատալ, որ ձեր քվեները գալիս են մեր կուսակցության շարքերից և ուզում եմ, որպեսզի դուք հավաստիացնեք մեր կուսակցականներին, որ ես ամեն ինչ կանեմ, որպեսզի արդարացնեմ նրանց վստահությունը։

Մի ցանկություն ունեմ՝ որպեսզի մեր համակիրները, նաև նրանք, ովքեր պայքարել են, պայքարում են և պատրաստվում են պայքարել մեր երկրի ապագայի համար, վստահ լինեն, որ ոչ ես, ոչ մեր գործադիր մարմինը, ոչ այստեղ հավաքված պատվիրակները, այնպես էլ մեր կուսակցականների ճնշող մեծամասնությունը չի ընկրկելու, ամեն ինչ անելու է, որպեսզի մեր երկիրը թոթափի այս մղձավանջը և սկսի վերականգնել այն, ինչ ունեցել ենք, ավելին՝ էլ ավելի լավ Հայաստան կառուցելու»,- ասաց Սերժ Սարգսյանը։

Նա շնորհակալություն հայտնեց ներկաներին, բոլորին խնդրեց ժամը 19։00-ին ներկա լինեն՝ որպեսզի «միասին մի կտոր հաց կիսենք, ըստ մեր սովորության։ Իհարկե, առանց դհոլ-զուռնայի»։