Ձեր վստահելի աղբյուրը

Երևանի ավագանու «Իմ քայլը» խմբակցության անդամ Վահե Գևորգյանը, ինչպես ինքը հայտարարեց, կատեգորիկ մերժում է Հայկ Մարությանին անվստահության հայտնելու գործընթացին։

Հիմնավորեց, նախ այն չի բխում երևանցու ու ժողովրդավարության շահերից։

«Երկրորդը, շանտաժի այն լեզուն է, որն օգտագործվել է Երևան քաղաքաի ավագանու անդամների կամարտահայտման վրա ազդելու համար»,-հայտարարեց ավագանու իմքայլական անդամը։

Նա նկատեց, որ քվեարկության արդյունքների օրինականությունը կասկածի տակ է դրվում, քանի որ «երեկ բացահայտվեց, որ ավագանու անդամներին սպառնալիքների ու շանտաժի ենթարկելով, փորձել են ստորագրություններ կամ վկայությոոններ կորզել, ինչի առիթով «Իրազեկ քաղաքացիներ» ՀԿ-ն դատախազություն հանցագործության մասին հաղորդում է ներկայացրել»,-ասաց Վահե Գևորգյանը։

Նա ընդգծեց, որ այս ոչ լեգիտիմ գործընթացում բացահայտվեց կազմակերպիչների շանտաժային գործելաոճը՝ ավագանու անդամների նկատմամբ տարբեր լծալներ կիրառելով։

«Ստիպել են կամ վայր դնել մանդատը, կամ  ստորագրել քաղաքապետին անվստահություն հայտնելու նախագծի տակ։ Նրանք ունակ չեն եղել պարզ քաղաքական հաշվարկներ իրականացնել։ Չէին հաշվարկել, որ բոլորին շանտաժի ենթարել չի հաջողվի, այս մարդիկ թրծվել են տարիների պայքարի մեջ։ Այս պարզ հաշվարկը նրանք չէին արել։ Մասնավորապես, Լուսինե Մխոյանն ու Գրիգորի Երիցյանը երեկ հայտարարել են, որ Արմեն Գալջյանն ու Լևոն Հովհաննիսյանը իրենց շանտաժի են ենթարկել, պարզ դարձավ, որ նրանց միակ մտահոգությունը քաղաքապետի աճող ու ՔՊի-ի նվազող հեղինակությունն է»,-ասաց Գևորգյանը։

Նա շարունակեց, պարզ է դարձել, որ նրանք տարբեր միջոցներով պատրաստ են ավագանու անդամներին դրդել բոյկոտի, ազդել նրանց ազատ կամարտահայտման վրա և զրկել երևանցիներին տրանսպորտային նոր համակարգից, այդ համակարգը դնել վտանգի տակ։

«Պարզ դարձավ, որ անձնական շահը, պաշտոնը, կարիերան իրենց համար վեր է դասվում հանրային շահից»,-ընդգծեց նա՝ ավելացնելով, որ նման շանտաժի դեպքում քվեարկությունը չի կարող համարվել լեգիտիմ, քանի որ անօրինական գործիքակազմ է օգտագործվել։

Այս համատեքստում նա հիշատակեց Փաշինյանի ընտանիքին պատկանող «Հայկական ժամանակ» լրատվամիջոցին, որը «դեղին մամուլի ոճով ծիծաղ առաջացնող ցեխ շպրտոցի է կազմակերպում», ինչը միայն հեղինակազարկել է այդ կայքին, իսկ Հանրային հեռուստաընկերությունը վերջին ընթացքում սպասարկել է ոչ թե հանրային, այլ կուսակցական նեղ շահերը։

«Իմ քայլը դաշինքը ՔՊ չէ, ինչպես փորձ է արվում ներկայացնել»,-նշեց նա՝ կոչ անելով խմբակցության անդամներին չտրվել շանտաժին, քվեարկել խղճով ու համոզմունքով։