Ձեր վստահելի աղբյուրը

«Նախագծով առաջարկվում է ընտանիքում երրորդ և հաջորդ յուրաքանչյուր երեխայի ծնվելու կապացությամբ նոր ծնված երեխային նշանակել և տրամադրել դրամական աջակցություն ամսական 50 հազար դրամի չափով՝ մինչև երեխայի 6 տարին լրանալը»,-«Ընտանիքում 3-րդ և յուրաքանչյուր հաջորդ նոր ծնված երեխայի ծննդյան կապակցությամբ դրամական աջակցություն նշանակելու և վճարելու կարգը հաստատելու մասին» որոշումը ներկայացնելիս կառավարության նիստում ասաց աշխատանքի և սոցիալական հարցերի նախարար Նարեկ Մկրտչյանը:

Նրա խոսքով՝ որոշումը տարածվում է այն երեխաների վրա, որոնք  ծնվել են 2022 թվականի հունվարի 1-ին կամ դրանից հետո՝ մինչև 2026 թվականի դեկտեմբերի 31-ը ներառյալ:

Նախարարը հիշեցրեց, որ ներկայում երեխայի ծննդյան դեպքում տրվում է միայն նպաստ, որը միանվագ բնույթ է կրում և, ըստ էության, շարունակական չեն:

Նարեկ Մկրտչյանի խոսքով՝  եթե ընտանիքում երկվորյակ կամ ավել թվով երեխաներ են միանգամից ծնվում, ապա երրորդ և ավել բոլոր երեխաներին կտրամադրվի նպաստը:

Նախարարը հայտարարեց, որ 2025 թվականին կգնահատվի ծրագրի արդյունավետությունը և ժողովրդագրական դրական ցուցանիշներ արձանագրելու դեպքում այն կամրագրվի որպես պետական նպաստ և կներառվի օենքում:

«Անկախ նրանցի, թե ծրագիրը կլինի շարունակական, թե ոչ, մինչև 2030 թվականը կվճարվեն նման նպաստի իրավունք ստացած ծնողները»,-հայտնեց աշխատանքի և սոցիալական հարցերի նախարար Նարեկ Մկրտչյանը:

Նիկոլ Փաշինյանը շեշտեց, որ այն չի ազդում երրորդ և ավել երեխաների համար սահմանված միանվագ վճարների վրա, վայց  ազդելու է աղքատության ցուցանիշի գնահատման վրա և ընտանիքը կարող է «Փարոս» ծրագրից դուրս մնալ: