Ձեր վստահելի աղբյուրը

Ռուսաստանցիները Ալեքսանդր Գրադսկուն տարվա երաժիշտ են ճանաչել։ Այս մասին են վկայում Հասարակական կարծիքի ուսումնասիրման համառուսաստանյան կենտրոնի (ՎՑԻՕՄ) տվյալները, որոնք ներկայացվել են Մոսկվայում կայացած մամուլի ասուլիսի ընթացքում, փոխանցում է ՏԱՍՍ-ը։

Նշենք, որ նոյեմբերի 28-ին 73 տարեկան հասակում մահացել է Ռուսաստանի ժողովրդական արտիստ Ալեքսանդր Գրադսկին և հուղարկավորվել Մոսկվայում՝ Վագանկովսկոյե գերեզմանատանը։ Երաժիշտն ու կոմպոզիտորը «Սիրահարների սիրավեպ», «Եթե ամրոցի բանտարկյալը», «Օդեսայում ապրելու արվեստը» ֆիլմերի երաժշտության հեղինակն է, նաև «Մենք չենք կարող ապրել առանց միմյանց», «Ինչ երիտասարդ էինք» երգերի կատարողը։

«Առաջին տեղում մեր մեծ կորուստն է՝ Ալեքսանդր Գրադսկին՝ 9 տոկոս»,- հայտնել է կենտրոնի ղեկավար Վալերի Ֆեդորովը:

Նրան հաջորդում են  Ֆիլիպ Կիրկորովը՝ 4%, 3-ական տոկոս ստացել են Պոլինա Գագարինան և Դենիս Մացուևը, 2-ական տոկոս՝ Նիկոլայ Բասկովը և Մորգենսթերնը։