Ձեր վստահելի աղբյուրը

Փորձագետները պարզել են, թե Եվրոպայի որ երկրներում են իշխանություններ խստացրել պահանջները, և արդյոք դրանք կազդեն Ամանորի և Սուրբ Ծննդյան օրերի վրա, գրում է «ՌԻԱ Նովոստի» գործակալությունը։

Ավստրիա

Ավստրիայում դեկտեմբերի 27-ից ռեստորաններ և սրճարաններ կարելի է այցելել միայն մինչև ժամը 22:00-ն, որից հետո հասարակական սննդի բոլոր կետերը պետք է փակվեն: Բացի այդ, մուտքը թույլատրվում է միայն պատվաստված կամ արդեն կորոնավիրուսով վարակվածներին։ Նույնը վերաբերում է երկիր մուտք գործելուն։

Բելգիա

Բելգիայում կաթոլիկների Սուրբ ծնունդից անմիջապես հետո խստացվելու են կարանտինային միջոցառումները։ Իշխանությունները հայտարարել են, որ դեկտեմբերի 26-ից փակվելու են գրեթե բոլոր ժամանցային հաստատությունները՝ «Օմիկրոն» շտամի պատճառով։ Մասնավորապես, չի կարելի հաճախել թատրոններ, կինոթատրոններ, համերգասրահներ, խաղատներ։ Դեկտեմբերի 29-ից խանութներ մուտք կգործեն միաժամանակ ոչ ավելի, քան երկու այցելու։

Գերմանիա

Գերմանիայում Սուրբ Ծնունդին արգելվում են 10 մարդուց ավելի հավաքները, իսկ Ամանորի և Սուրբ Ծննդյան տոնակատարությունների զանգվածային միջոցառումները երկրում սահմանափակ են: Ընդ որում, կանոնները տարածվում են նաև պատվաստված կամ կորոնավիրուսով հիվանդացած անձանց վրա։ Չպատվաստվածներին թույլատրվում է հանդիպել մերձավոր ազգականների հետ, բայց առավելագույնը երկու մարդ պետք է լինի մեկ ընտանիքից։

Բացի այդ, Գերմանիայի իշխանությունները ծրագրում են տոնական օրերին փակել գիշերային ակումբներն ու դիսկոտեկները, իսկ բարերն ու ռեստորանները կշարունակեն աշխատել։ Ենթադրվում է, որ սահմանափակումները ուժի մեջ կմտնեն դեկտեմբերի 28-ին ՝ 10 օրյա ժամկետով։

Հունաստան

Հունաստանում դեկտեմբերի 23-ից հունվարի 2-ը չեղյալ են հայտարարվել բացօթյա բոլոր ծրագրված զանգվածային միջոցառումները: Բացյ այդ, Հունաստանում պարտադիր պետք է կրել պաշտպանիչ դիմակներ ոչ միայն փակ, այլև բացօթյա տարածքներում։

Ակնկալվում է, որ կառավարությունը կկրճատի հասարակական վայրերում այցելուների առավելագույն թույլատրելի քանակը, ինչպես նաև կսահմանափակի խանութների, սրճարանների և ռեստորանների աշխատանքային ժամերը:

Իսպանիա

Իսպանիայում կրկին վերադարձրել են փողոցներում դիմակներ կրելու պահանջը։ Իսկ Կատալոնիայում պարետային ժամ են մտցնելու՝ 1-ից մինչև 6-ը։ Այն գործելու է ավելի քան 10 հազար բնակչություն ունեցող քաղաքներում։ Բացի այդ, արգելվում է ավելի քան տասը մարդուց բաղկացած հավաքները։ Իսկ թե որ օրվանից կսկսեն գործել սահմանափակումները, դեռ որոշված չէ։

Նիդերլանդներ

Նիդեռլանդներում արդեն դեկտեմբերի 19-ից խիստ կարանտին է սահմանվել։ Իշխանությունները նման քայլի են գնացել «Օմիկրոն» շտամի տարածման պատճառով։ Բնակիչները և զբոսաշրջիկները պետք է հետևեն խիստ մեկուսացման կանոններին։

Հյուրերի քանակը, որոնց կարելի է ընդունել, կրճատվում է՝ չորսից հասնելով երկուսի, բացառությամբ դեկտեմբերի 25-ի Սուրբ Ծնունդի: Բացի այդ, Նիդերլանդներում խանութները, ռեստորանները, բարերը, կինոթատրոնները, թանգարանները և թատրոնները փակվել են մինչև հունվարի 14-ը: Աշխատում են միայն սուպերմարկետներն ու դեղատները։