Ձեր վստահելի աղբյուրը

«Ամենից քիչ ես կցանկանայի մեկնաբանել  Ղարաբաղի  նախագահի ասածները։ Ինչո՞ւ։ Ի՞նչ սպասենք այդ մարդուց»,- ասուլիսում ասաց ՀՀ երկրորդ նախագահ, «Հայաստան» դաշինքի ղեկավար Ռոբերտ Քոչարյանը՝ պատասխանելով հարցին, թե երեկ Արցախի Հանրապետության նախագահը, ըստ էության, առաջին անգամ բավական կոշտ հակադարձեց Նիկոլ Փաշինյանին, հավանական համարո՞ւմ եք, որ նրանց միջև այս հակադրությունը կարող է ձևական բնույթ կրել։

Նա նշեց, որ չգիտի՝ պայմանավորվածության արդյունք է, այլ նպատակներ կան սրա հետևում, ինչ նպատակ են հետապնդում։

«Ասվել է Հայաստանում այնպիսի մի բան, որին ուղղակի հնարավոր չէր չարձագանել։ Ըստ էության, հարցականի տակ է տրվել Ղարաբաղի հռչակագիրը։ Ի դեպ, այդ հռչակագրի հեղինակներից եմ։ Երկու հոգով ենք գրել՝ ես և Կարեն Բաբուրյանը։

Ուղղակի հարցականի տակ է դրվել այն հիմքը, որի վրա Լեռնային Ղարաբաղի Հանրապետությունը  ձևավորվել էր»,- ասաց Ռոբերտ Քոչարյանը։