Ձեր վստահելի աղբյուրը

Ի՞նչ ուտել տոներին, ինչքա՞ն ուտել, ինչպե՞ս խմել, որ համ անմոռաց գոռանք՝ «էս ինչ լավ է անցնում», համ հաջորդ օրը վատ չզգանք։ Այս հարցերի պատասխանները գիտեն, թերևս, դիետոլոգները և Լիդիա Այվազյանն էլ այսօր իր խորհուրդներով կօգնի պատրաստվել վաղվա մարտա-մսա-ալկոհոլահրավերին։Բացի այդ կպատմի,թե ինչ են ուտում ու հյուրասիրում  իրենք՝ դիետոլոգները։

-Բժշկուհի, ինչպե՞ս «թեթև տանել» Նոր տարին։ Ի՞նչ խորհուրդներ կտաք, ինչպե՞ս պատրաստվեն, ինչ լինի տարեմուտի գիշերվա ընթրիքի սեղանին։
- Շատ առողջ կլինի եթե պատրասվենք միայն այդ ընթրիքի համար և պատրաստել այնքան սնունդ, որը կբավարարի ընտանիքին մեկ երեկոյի համար։ Ցավը այն  է, որ շատերը փորձում են պատրաստել ամբողջ տոների համար, դա համ շատ հոգնեցուցիչ է համ ոչ առողջ։

-Դեկտեմբերի 31-ին օրվա ընթացքում ինչպե՞ս սնվել, շատ դիետոլոգներ ասում են, օրինակ, ինչքան էլ այդ օրը զբաղված լինես գործերով, սպասես ամենահամով բաների պատրաստվելուն, պիտի օրվա մեջ մի քանի անգամ թեթև սնվես, որ ընթրիքի սեղանին առանց հասկանալու չուտես իրար վրա ինչ կա դրված։
- Լավ կլինի շատ ռեժիմից չշեղվել, ունենալ նախաճաշ, ճաշ, իսկ ընթրիքի նստել ոչ թե ժամը 12-ին այլ 19-20-ից։ 12-ին կարելի է շնորհավորել շամպայնով և բացել նվերները։

-80/20 հնարքի մասին ի՞նչ կասեք։ Երբ սկզբում կազմում են ցուցակ, որտեղ գրում են ՝ ինչ կցանկանային ուտել տարեմուտի գիշերը, հետո առանձնացնում էին, թե դրանցից, որն է օգտակար, որը ոչ, ապա կազմում 3-րդ վերջնական ցուցակ, որտեղ 80 տոկոսը ուտեստների լինում էր օգտակար, 20 տոկոսը ոչ այնքան։ Արժի, որ մարդ այդպես բարդացնի տարեմուտի իր ընթրիքը։
- Շատ լավ սկզբունք է, պարտադիր ես էլ եմ կիրառում, մանավանդ որ հաշվի առնենք խոսքը ոչ թե մեկ երեկոյի մասին է, այլ ամենաքիչը մեկ շաբաթվա։

-Յուղալի ուտեստներ ու ալկոհոլ։ Սրանք միաժամանակ կիրառելով ի՞նչ վնասներ կարող ենք հասցնել օրգանիզմին։
- Ավելի շուտ ոչ թե միասին կիրառելուց է վտանգը, այլ առանձին- առանձին չարաշահման մեջ կա վտանգ։ Իսկ յուղոտ ուտեստի հետ ալկոհոլը դեռ մի բան էլ լավ է, քանի որ այդ պարագայում ալկոհոլը ավելի քիչ է ներծծվում։

-Կա՞ արդյոք ճիշտ ձև ալկոհոլ խմելու, որ և լավ անցնի և հաջորդ օրը ամոթ չլինի։ Մի՞ֆ է արդյոք, որ եթե ալկոհոլ օգտագորելուն զուգահեռ շատ ջուր խմես չի ազդի, և կամ մեկ օր առաջ սև ածուխ խմած լինես։
-Ալկոհոլ խմելու ճիշտ ձևը չափավոր խմել է, պետք է միշտ այն չափը իմանաք, որից հետո ուղեղի վերահսկող հատվածը շարքից դուրս է գալիս, ամեն մարդու մոտ դա տարբեր քանակի ալկոհոլն է։ Ջուր խմելը կօգնի քչացնել ալկոհոլ խմելու չափը։

-Գուցե կիսվեք ուտեստների, աղցանների և կամ խմիչքների ձեր բաղադրատաոմսերով։ Ինչ է լինելու Ձեր սեղանին, ինչպես եք դուք նշելու Տարեմուտի գիշերը։
-Ես միշտ պահեստավորվում եմ շատ բանջարեղեններով և պատրաստում տարբեր բանջարեղենային ուտեստներ, օրինակ մատուցում եմ շերտատած բանջարեղենային ափսեներ հումմուսով, քամած մածունի սոուսով, մսային ուտեստների հատ անպայման ջեռոցն եմ դնում գույնզգույն բաջարեղեններ։ Այս տարի շատ հյուրեր չունենք 31-ի ընթրքին և դրա համար ունենալու եմ ջեռոցում միս և գրիլ բանջարեղեն, մրգեր և մեկ տեսակ աղանդեր՝ շամպայնի հետ։

-Ի վերջո, ոչ աշխատանքային օրեր են, գուցե ճիշտ կլինի ակտիվ հանգիստ կազմակերպել։
-Ամենաճիշտը կլինի և երեխաներին սովորեցնել, որ ոչ աշխատանքային օրերը ընտանիքով միասին անցկացնելու ,զբոսնելու, դահուկ քշելու համար կարող են լինեl։

-Երեխաների սննդակարգին պե՞տք է հատուկ ուշադրություն դարձնել։
-Միանշանակ, շատ կարևոր է, որ մինչև 5 տարեկան երեխաներ չուտեն սեղանի վրա 2 ժամից ավել մնացած ուտեստներ, մեկ – երկու օր առաջ բացած պահածոներ, հում մսամթերքներ (բաստուրմա, սուջուխ ապխտած մսեր) հում ձվով պատրաստած տորթեր, և շատ ուշադիր է պետք լինել, որ երեխաները ալկոհոլ  չխմենը, ինչը շատ հաճախ է պատահում, երբ մեծահասակները ուշադիր չեն լինում։