Ձեր վստահելի աղբյուրը

Երեկ երեկոյանկանխվել են Ղազախստանի Նուր-Սուլթան զենքի ներկրման մի քանի դեպքեր,, ձերբակալվել են երիտասարդներով մի քանի միկրոավտոբուսնե։ Այս մասին հաղորդում է Ռիա Նովոստին՝ հղում անելով Khabar 24 հեռուստաալիքին։

«Անցած գիշեր մեզ հաջողվեց կանխել դեպի մայրաքաղաք զենքի, այդ թվում՝ հրազենի ապօրինի ներկրման մի քանի դեպք։ Մեզ հաջողվեց կանգնեցնել մի քանի միկրոավտոբուսներ, որոնք լցված էին մարդկանցով, հիմնականում՝ երիտասարդներ հանրապետության հարավային շրջաններից»,- նշված է հեռուստաալիքի հաղորդագրության մեջ։

Հիշեցնենք, որ Ղազախստանում զանգվածային բողոքի ցույցեր են սկսվել։ Մասնավորապես, երկրի արևմուտքում գտնվող Ժանաոզեն և Ակտաու քաղաքների բնակիչները դեմ են հեղուկ գազի գների կրկնակի բարձրացմանը, այնուհետև բողոքի ակցիաները տարածվել են այլ քաղաքներում։ Ալմա Աթայում հունվարի 4-ին և 5-ին բախումներ են տեղի ունեցել անվտանգության աշխատակիցների հետ, ոստիկանությունը կիրառել է գազ և խլացուցիչ նռնակներ։ Ողջ Ղազախստանում ինտերնետն անջատվել է, մի շարք հեռուստաալիքների հեռարձակումը ժամանակավորապես դադարեցվել է։ Մինչև հունվարի 19-ը Ղազախստանում արտակարգ դրություն էր մտցվել։