Ձեր վստահելի աղբյուրը

Մինչև Հայաստանի խորհրդարանում քննարկվում է  հաջորդ՝ 2016 թվականի  պետական բյուջեն, միջազգային շուկաներում  տեղի են ունենում  իրադարձություններ, որոնք կարող են էական  ազդեցություն թողնել  մեր երկրի  տնտեսության վրա: Այս մասին գրել է «Հայկական ժամանակ»-ը:

Միջազգային շուկայում  պղնձի գինը  շարունակում է գահավիժել: Դա ուղղակի ազդեցություն է ունենալու  մեր բյուջեի  մուտքերի վրա: Խնդիր այն է, որ բյուջեի մուտքերն  ապահովող  կարևորագույն աղբյուրներից մեկը  մեր հանքարդյունաբերության  ոլորտի  ձեռնարկությունների վճարած  հարկերն են:  Իսկ այդ հարկերի մեծամասնությունը ուղղակիորեն պայմանավորված է  գունավոր  մետաղների  և գլխավորապես  պղնձի միջազգային գնով:

Պատկերը ավելի տեսանելի դարձնելու համար  նշենք, որ այս տարվա  մայիսին մեկ տոննա  պղնձի միջազգային  գինը մոտ  6 հազար 500 դոլար է, իսկ երեկվա դրությամբ՝ 4 հազար 600 դոլար:  Այլ կերպ ասած,  պղինձը միայն վերջին կես տարվա  ընթացքում  էժանացել է  մոտ 30 տոկոսով:  Ճիշտ նույնքանով  նվազել են  մեր հանքարդյունահանողների  եկամուտները և, հետևաբար, այդքանով էլ նվազելու են նրանց կողմից ՀՀ պետական բյուջեի  վճարելիք հարկերը:  Բացի բյուջեի եկամուտների նվազեցումից  ստեղծված իրավիճակը  կարող է հանգեցնել նաև դրամի  արժեզրկմանը: