Ձեր վստահելի աղբյուրը

Հունվարի 11-ին նշվում է «շնորհակալության» միջազգային օրը։  Calend.ru-ն գրում է, որ տարեցտարի ավելի շատ երկրներ ու մարդիկ են միանում այս տոնը նշելուն։

Երիտասարդությունը մասնակցում է տոնին տարբեր մրցույթների, ֆլեշմոբերի, ցուցանակների, ակցիաների միջոցով՝ տարբեր լեզուներով շնորհակալություն հայտնելով միմյանց, նվերներ փոխանակելով։

««Շնորհակալություն» բառը կախարդական նշանակություն ունի, դրա միջոցով մարդիկ միմյանց ուրախություն են փոխանցում, ուշադրություն ու դրական էմոցիաներ են  արտահայտում, առանց որոնց մեր կյաքը կլիներ մռայլ ու ձանձրալի»,-նշում է աղբյուրը։

Զաքարիա Ծայրագույն վարդապետ Բաղումյանը տոնի վերաբերյալ իր ֆեյսբուքյան էջում գրել է.

«Շնորհակալության իջազգային օրն է, երբ ամենքս կարիքն ունենք «շնորհն ընդունելու» և արժևորելու մեր կյանքում:

. Շնորհակալ մարդն աստվածասեր է, բարի, կամեցող, կենսախինդ և հուսառատ: Ուստի եկեք շնորհակալություն հայտնենք Աստծուն, մեր ծնողներին, հարազատներին, ընկերներին և անգամ մեր  թշնամիներին, որոնք մեզ միշտ զգոն և արթուն են պահում։

. Թող Տիրոջ առատ շնորհները զարդարեն մեր կյանքը, և շնորհընկալ լինելով` գոհություն հայտնենք Նրան ամեն ինչի համար, գուցե վաղն ուշ լինի: ՇՆՈՐՀԱԿԱԼՈՒԹՅՈՒՆ․․․»։