Ձեր վստահելի աղբյուրը

«Հանձնաժողովն իր հարցադրումներով փորձել է հասկանալ կառավարությանը հատկացված միջոցների տրամադրման ընթացքի, դրանց ծախսման օրինականության հարցերը»,-ԱԺ «Հայաստան» համահայկական հիմնադրամի կողմից հավաքագրված և պետական բյուջե փոխանցված միջոցների օգտագործումն ուսումնասիրող քննիչ հանձնաժողովի այսօրվա նիստի մեկնարկին հայտնեց այն նախագահող Արծվիկ Մինասյանը:

Նրա խոսքով՝ կարևոր են նաև հատկացման և գումարների ծախսման հիմնավորվածությունը և գործընթացի համապատասխանությունը հիմնադրամի կանոնադրական նպատակներին և խնդիրներին:

Նկատելով, որ հաշվի է առնվել հիմնադրամի դերն ու նշանակությունը հայկական զույգ պետականության կայացման գործում և այն, որ հարյուր հազարավոր նվիրատուների նվիրաբերությունների մասին է խոսկքը գնում՝ Մինասյանն ասաց, թե նպատակը օբյեկտիվ քննություն տանելն է և եթե հիմնադրամի վարկին վնաս է հասցվել՝ այն վերականգնել:

Հանձնաժողովի նախագահւ խոսքով՝  քննիչ հանձնաժողովը չի ձգտում մտնել հիմնադրամի աշխատանքների մեջ և շեշտեց, որ իրենց նպատակն է պարզելու, թե կառավարությանը հանձնված գումարների ծախսման գործընթացն ինչքանով է համապատասխանում գործող օրենսդրությանը:

«Արդյոք այդ միջոցների ծախսումը համապատասխանում է այն նպատակներին  և կանոնադրական խնդիրներին, որի համար «Հայաստան» համահայկական հիմնադրամը հանգանակություն էր արել»,-պարզաբանեց Մինասյանը:

Նա հանձնաժողովի անդամներին նաև տեղեկացրեց, որ «Հայաստան» համահայկական հիմնադրամի գործադիր տնօրեն Հայկակ Արշամյանն առաջարկել էր, որ նիստը փակ անցկացվի:

Հանձնաժողովի անդամ, ՔՊ պատգամավոր Հովիկ Աղազարյանն առաջարկեց նիստն ամբողջությամբ փակ անել, իսկ հրապարակման ենթակա մասերը քննիչ հանձնաժողովի անդամները հետագայում կփոխանցեն լրագրողներին:

Արծվիկ Մինայսանը հայտնեց, որ կան հարցեր, որոնց բաց քննարկումն անհրաժեշտ է քննիչ հանձնաժողովի հրապարակային գործունեությունն ապակհովելու շրջանակներում և հիշատակեց հարցը, ըստ որի՝  հանձնաժողովի դիմումին դեռ չի արձագանքել ՀՀ նախագահը, որը պետք է բաց քննարկվի:

«Արժի անդրադառնալ ՀՀ նախագահի կողմից քննիչ հանձնաժողովին դեռևս չարձագանքելու հարցին, ինչպես նաև, թե արդյո՞դ իրավասու անձ է ՀՀ նախագահը՝ որպես հիմնադրամի հոգաբարձուների խորհրդի նախագահ»,-հայտարարեց «Հայաստան» խմբակցության քարտուղարը:

Նա նկատեց, որ 52.7 մլրդ դրամը կառավարությանը հատկացնելու որոշում կայացնելիս հոգաբարձուների խոհդի 37 անդամի մի մասն ներկա չի եղել, բայց ներկա են եղել նրա կազմում ընդգրկված գործադիր իշխանության անդամները:

«Հարց՝ գործադիր իշխանության ներկայացուցիչները, որոնք պետք է քվեարկեին և գումարները պետական բյուջե տանելուց հետո իրենք էլ որոշում կայացնեին դրանք տնօրինելու վերաբերյալ, արդյո՞ք այստեղ գույքային կամ այլ շահ չունեին և արդյո՞ք նման որոշում կայացնելու քվեարկությանը նրանք պետք է մասնակցեին»,-հարցեր հնչեցրեց հանձնաժողովի նախագահը և պարզաբանեց, որ այդ հարցերի պատասպանները ստանալով, ցանկանում են պարզաբանել բյուջե հիմնադրամի գումարների մուտքագրման օրինականությունը, իսկ ծախսման մասով դիտարկելու են կառավարության որոշումները:



«Պատիվ ունեմ» խմբակցության պատգամավոր Հայկ Մամիիջանյանը նկատեց, որ իշխող խմբակցությունն անընդհատ նշում է, որ այն նաև իրենց հետաքրքրող գործընթաց է, որպեսզի վերականգնեն «Հայաստան» Համահայկական հիմնադրմաի բարի համբավը, բայց այդ ամենի ֆոնին հանձնաժողովը ստանում է Հայկակ Արշամյանի  պատասխանը, որը չի տեղավորվում այդ տրամաբանության մեջ:

«Մենք ստանում ենք պարոն Արշամյանի պատասխանը, որը երկու խոսքով այսպես է հնչում՝ ես ընդհանուր առմամբ պարտավոր չեմ ձեր մոտ գալ, բայց կգամ»,-նկատեց Մամիջանյանը և հավելեց. «Մյուս կողմից  մենք գրությունն ուղղել էինք ՀՀ նախագահի աշխատակազմին, որին անհասկանալի տրամաբանությամբ պատասխանել է Հայկակ Արշամյանը, ես ակնկալում էի, որ ՀՀ նախագահի աշխատակազմն ուղիղ կշփվի ԱԺ-ի հետ»:

Հայկան Արշամյանը, տեղեկացնելով, որ քննիչ հանձնաժողովին ուղարկած գրավոր պատասխանն ամբողջությամբ համաձայնեցվել է նախագահի հետ, արձագանքեց Հայկ Մամիջանյանին. «Ես պաշտոնատար անձ չեմ և իրավունք ունեմ ընդունելու քննիչ հանձնաժողովի հրավերը, իրավունք ունեմ նաև չընդունելու, սակայն հարգանքս ի ԱԺ և քննիչ հանձնաժողով, ինչպես տեսնում եք՝ ներկա եմ: Երբ որ քաղաքական հայտարարություններ են հնչում՝ կխնդրեմ զգույշ լինել, քանի որ անիմաստ պալեմիկայի է այն վերածվում և մեր աշխատանքն ուղղակի կոնստրուկյտիվ չի լինելու»:

Արծվիկ Մինասյանը պատասխանեց, որ ըստ Սահմանադրության խոսքը գնում է ոչ թե պետական պաշտոնատար անձին, այլ ցանկացած պաշտոնատար անձի, որի գործունեությունն առնչվում է քննության առարկային:

Քննիչ հանձնաժողովի նախագահը նկատեց, որ «Հայաստան» համահայկական հիմնադրամի հիմնադիրը Հայաստանն է, հետևաբար Արշամյանի մեկնաբանությունը հետ համաձայն չէ, իսկ Մամիջանյանն էլ նկատեց, որ հիմնադրամի գործադիր տնօրենն է իր այդ պատասխանով ոչ կառուցողական մթնոլորտ ստեղծում:

«Պատիվ ունեմ» խմբակցության պատգամավորը առաջարկեց կրկին դիմել ՀՀ նախագահին՝ անմիջական պատասխան ստանալու համար:

«Հայաստան» համահայկական հիմնադրամի գործադիր տնօրեն Հայկակ Արշամյանը անցավ քննիչ հանձնաժողովի գրավոր հարցադրումների պատասխանին և հայտնեց, որ հիմնադրամի 2020 թվականի հաշվետվությունը հաստատվել է հոգաբարձուների խորհրդում և հրապարակվել է ՊԵԿ-ի կայքում, որտեղից էլ պատգամավորները կարող են ծանոթանալ իրենց հարցերի  պատասխաններին:

Նրա խոսքով՝ հիմնադրամի աշխատակազմը օրական 12,14,18 ժամ աշխատել է որպեսզի նման արդյունքների արձանագրվեն:

Արշամյանը նաև հայտնեց, որ 52.7 մլրդ դրամը հատկացնելու որոշման ընդունման պահին հոգաբարձուների խորհորրդը 32 անդամ է ունեց, իսկ թե ովքեր են մասնակցել որոշման ընդունմանը, կհայտնի նիստի  փակ հատվածում:

Քննիչ հանձնաժողովը լրագրողներին հրավիրեց դուրս և քննարկումը շարունակեց փակ ռեժիմով: