Ձեր վստահելի աղբյուրը

Ադրբեջանագետ Արմինե Ադիբեկյանը հրավիրվել է Նոր Նորքի Ոստիկանության բաժին։ Իրավապաշտպան Ռուբեն Մելիքյանը  տեղեկացնում է, որ  Ադիբեկյանը հարցաքննության է կանչվել ծանր վիրավորանքի գործով։

«Այստեղ եկել ենք, որպես հարցաքննոթյան հրավիրվածներ՝ ծանր վիրավորանքի գործով, որը տևական ժամանակ է դարձել է խոսքի ազատության, բողոքի ազատության ճնշման գործիք։ Զավեշտն այն է, որ առհասարակ քրեական պատասխանատվությունը վերացնելը ՝ վիրավորանքի, զրպարտության համար, դեռ 2000-ականներին  եղել է Հայաստանի Եվրոպայի խորհրդին անդամակցելու պայման։ Հիմա այն մարդիկ, որոնք այդ պայմանը դրել են և Հայաստանը վերացրել էր դրա քրեական պատասխանատվությունը, այս նոր իշխանությունը դա վերականգնում են և որևէ  արձագանք արևմտյան շրջանակներից չկա, որոնք այսպես ասած «քավորներն են եղել»։ Ես չգիտեմ, դրա գինը որն է՝ հայոց ցեղասպանության պահանջատիրությունից հրաժարվելն է, արցախահայության շահերն այլևս չհետապնդելն է, ի՞նչ գին է վճարում ներկայիս իշխանությունը»։

 Մելիքյանը նաև հիշեցրեց, որ ժամանակին Ադիբեկյանը մեծ ավանդ է ունեցել ադրբեջանական  կեղծ քարոզչության դեմ պայքարում։ Իրավապաշտպանը հստակեցնում է ՝ ֆեսբուքյան գրառում է եղել, որի պատճառով Ադիբեկյանը կանչվել է ոստիկանությունում։

Արմինե Ադիբեկյանն էլ պարզաբանեց․«Ես ընդամենը ցիտել եմ իր գրքում օգտագործված բառամթերքը ՝ իր համախոհների և թիմակիցների հասցեին։ Պարզապես ուզում եմ նշել՝ մարդիկ, որոնք անպատվությունը բերել են մեր գլխին և շարունակում են անպատիվ քայլեր կիրառել և հայ ժողովրդի և հայոց պետականության դեմ, զոռբայությամբ և ապօրինի տեսքով փորձում են իրենց արժանապատվությունը հաստատեն, ապա կցանկանամ հայտնեմ՝ պարոնայք արժանապատվությունը ձեռք է բերվում արժանապատիվ գործերով, կերտվում է պետականաշեն գորխողություններով, այլ ոչ թե ինձ կամ իմ կոլեգաներին քաղմաս բերելով, քրգործ հարուցելով։ Միգուցե դուք ձեր արժանապատվությունը կրկին դրել եք վաճառքի՝ փորձելով մեզանից փող պոկել։Նրանք չեն կարողանալու ինձ և իմ նմաններին լռեցնել։ Ոչ մի հոդված չի կարող ինձ զրկել՝ իմ զարույթն արտահայտելու իրավունքից»։

Ադիբեկյանը նաև խորհուրդ տվեց ուշադիր կարդալ իրենց առաջնորդի գիրքը ու դրանում կիրառված բառամթերքը։