Ձեր վստահելի աղբյուրը

«Բոլորս էլ հեռու ենք այն մտքից, որ Մարդու իրավունքների պաշտպան Արման Թաթոյանն ինչ-որ ընդդիմադիր հայացքներով է բարձրացում սուր հարցադրումներ։ Ուղղակի իր արսենալում ունի փաստեր և իրավունքների պաշտպանության իր մանդատը»,- «Հայաստան» խմբակցության պատգամավորների հետ հանդիպմանն ասաց «Քաղաքացիական պայմանագիր» խմբակցության կողմից առաջադրված Մարդու իրավունքների պաշտպանի թեկնածու Քրիստինե Գրիգորյանը։

Պատգամավոր Գեղամ Նազարյանն ասաց, որ լավ է ճանաչում Նիկոլ Փաշինյանին, գիտի, որ հաճախ է զանգելու Ք. Գրիգորյանին, եթե  ընտրվի Մարդու իրավունքների պաշտպան, ապա հարցրեց՝ արդո՞ք պատաստ է լսել նրան, բայց անել այն, ինչ մտածում է, կաշկանդվա՞ծ չի լինի Փաշինյանի զայրացած զանգերից, պահանջներից։

ՄԻՊ թեկնածուն պատասխանեց. «Կարծում եմ՝  պաշտոնի համար սահմանադրական մակարդակում ամրագրված երաշխիքները  լինելու են իմ այն վահանը, որը պետք է ինձ պաշտպանի։ Ունեմ բոլոր երաշխիքները՝ այդ զանգերը սիրալիր լսել, բայց անել իմ գործը»։