Ես այստեղ չարամտություն եմ տեսնում, թիրախավորում են դատավորներին. Արման Հովհաննիսյան

Իրավունք 15:02 13/01/2022 Հայաստան

Ես այստեղ չարամտություն եմ տեսնում, թիրախավորում են դատավորներին. Արման Հովհաննիսյան

«Արդարադատության նախարարը հայտարարում է՝ եկել է պայքարելու արատավոր երևույթների դեմ, դատական համակարգում կոռուպցիայի դեմ: Եթե կան նման երևույթներ, թող պայքարի, այդպիսի դատավորներից մենք էլ կազատվենք, բայց նրա հայտարարությունն ու նրա կողմից կարգապահական պատասխանատվության ենթարկելու վերաբերյալ միջնորդություններն իրար հետ կապ չունեն», -ԱԺ-ում քննարկումից հետո լրագրողների հետ զրույցում ասաց Երևանի ընդհանուր իրավասության դատարանի դատավոր Արման Հովհաննիսյանը:

Նա նշեց, որ այնպիսի դատավորների նկատմամբ է կարգապահական պատասխանատվության ենթարկելու վերաբերյալ միջնորդություններ ներկայացվում, որոնք չունեն նմանատիպ համբավ, այլ բարձր հեղինակություն ունեն ոչ միայն դատական համակարգում, նաև փաստաբանական համայնքում, իրավաբանական հանրությունում:

«Ես այստեղ չարամտություն եմ տեսնում, թիրախավորում են դատավորներին, նաև գտնվելով ԲԴԽ-ում ու տեսնելով, թե իմ գործընկերին ինչի մեջ են մեղադրում, ինքս որպես իրավաբան չեմ հասկանում, թե ինչ է այստեղ տեղի ունեցել, որն է իրավական խնդիրը:

Ո՞նց կարելի է դատավորին բերել, հասցնել ԲԴԽ, դատավորին փորձել պատժել, դատավորն էլ իր բուն գործունեությունից կտրվի, մեկ-երկու ամիս կանգնի այնտեղ ու արդարանա՝ ինչ է հայցադիմումն ուղարկել է հայցվորի մի հասեցով, բայց այլ հասցե էլ է նշված եղել, կամ լեզվի քերականական խնդիրների հետ կապված հարց բարձրացվի»,- ասաց դատավորը:

Ա.Հովհաննիսյանի կարծիքով, Բարձրագույն դատական խորհուրդը պետք է նմանատիպ անհեթեթ միջնորդությունները մերժի:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: