Դուք ձեր հարցերով ինձ անընդհատ տանում եք դեպի անդունդ. ԿԳՄՍ նախարարը՝ լրագրողին

Կրթություն, գիտություն 14:44 13/01/2022 Հայաստան

Դուք ձեր հարցերով ինձ անընդհատ տանում եք դեպի անդունդ. ԿԳՄՍ նախարարը՝ լրագրողին

«Մարզպետների դիպլոմները կեղծ չեն, օրինական են, այստեղ կարգավիճակի խնդիր է»,-կառավարության ճեպազրույսների սրահում պատասխանելով Արագածոտնի նախկին մարզպետ Ռազմիկ Պետրոսյանի և սյունքի մարզպետ Մելիքսեթ Պողոսյանի՝ մարզպետերի պաշտոնում նշանակվելու պահանջներին չհամապատասխանող դիպլոմ ներկայացնելու մասին լրագրողի հարցին՝ ասաց ԿԳՄՍ նախարար Վահրամ Դումանյանը

Նրա խոսքով՝ երկու մարզպետների հետ կապված կեղծ դիպլոմի մասին խոսք չկա:

«Խոսքն այն մասին է, որ այն կազմակերպությունը, որը կոչվում է բարձրագույն ուսումնական հաստատություն, հվատարմագրված չէ: Դա չի նշանակում, որ այդ փաստաթուղթը կեղծ է: Չի կարելի նման բան ասել»,-ասաց Դումանյանը:

Նա տեղեկացրեց, որ չհավատարմագրված բուհերի շրջանավարտների համար 2003 թ.-ից մինչեւ 2017թ. ամեն տարի հնարավորություն է ընձեռվել, որ ցանկացողները, որոնք ունեն չհավատարմագրված բուհի դիպլոմ, կարողանան քննություն տալով ստանալ պետական նմուշի դիպլոմ:

Դումանյանը ենթադրեց, որ մարզպետերը չեն օգտվել այդ հնարավորությունից, քանի որ չեն պատկերացրել, որ դիպլոմն իրենց պետք կգա պետական պաշտոնի համար:

Նրա խոսքով՝ մարզպետերը ժամանակին ընդունվել են այդ բուհերը, ուսման վարձավճար են վճարել օրինական կերպով և նրանք մեղավոր չեն:

«Լուծումները լավ չեն տրվել, հիմա մենք ուզում ենք լուծումներ գտնել այդ խնդրին: Դուք խոսում եք Ռազմիկ Պետրոսյանի մասին, ով իր կյանքն է դրել մեր երկրի համար, իսկ դուք այսօր ասում եք՝ կեղծ դիպլոմ ունի: Կեղծ չի»,-հայտարարեց նախարարը և վրդովվելով լրագրողի հարցերից, դիմեց նրան. «Դուք ձեր հարցերով ինձ անընդհատ տանում եք դեպի անդունդ, եկեք գնանք՝ ես ձեզ ասեմ, թե ինչպես պետո է հարցը տաք»:

Հարակից հրապարակումներ`

Ես պասիվ եմ եղել օրենսդրական գործունեության մեջ. Արագածոտնի մարզպետ Սերգեյ Մովսիսյան

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: