Ձեր վստահելի աղբյուրը

«Այս նախագծով մենք հնարավորություն կտանք, որ զոհված կամ մահացած զինծառայողների ծնողների վերարտադրողական բուժօգնության ծառայությունները լինեն ավելի նպաստավոր և շահավետ»,-կառավարության նիստում զեկուցելով ՀՀ պաշտպանության մարտական գործողություններին մասնակցելիս կամ հակառակորդի հետ շփման գծում մարտական հերթապահություն կամ հատուկ առաջադրանք կամ ծառայողական պարտականություններ կատարելիս զոհված (մահացած) զինծառայողների ծնողների վերարտադրողական առողջության աջակցման միջոցառումը հաստատելու մասին որոշումը՝ ասաց աշխատանքի և սոցիալական հարցերի նախարար Նարեկ Մկրտչյանը:

Նա նկատեց, որ արդեն իսկ գործող կարգավորումներով այդ խմբի շահառուներին տրվում էին որոշակի սահմանափակ ծառայություններից օգտվելու անվճար կամ արտոնյալ պայմաններ, բայց դրանք չեն ծածկում փոխնակ մոր կամ դոնորի ծառայություններից օգտվելու ծախսերը:

«Վերջին վերլուծությունները ցույց են տալիս, որ այս պահին բազմաթիվ որդեկորույս ծնողներ որոշում են կայացրել  զավակներ ուեննալ, բայց քանի որ այդ ծառայություններն բավականին թանկ են՝ չեն կարողանում կայացնել այդ որոշումը:

Նախարարը հայտնեց, որ ծախսերն ամբողջությամբ կիրականացվի պետության կողմից՝ փոխնակ մոր ծառայություններից օգտվելու դեպքում պայմանագրով նախատեսված վճարումների 100 %-ի չափով, բայց ոչ ավել քան 5.5 մլն դրամը և դոնորական ծառայության համար ոչ ավել քան 600 հազար դրամը:

«2021 թվականի ընթացքում աջակցության շնորհիվ մենք արդեն իսկ ունենք զոհվածների մայրերի 27 հղիություն, որոնք որ աստծո կամոք բարեհաջող կընթանան և կա նաև 35 դիմում, որոնք սպասում են աջակցությքան այս հատվածի ներառմանը»,-հայտնեց առողջապահության նախարար Անահիտ Ավանեսյանը, իսկ Նիկոլ Փաշինյանն էլ հավելեց, որ 2021թվականին զոհվածների 70-ից ավել ընտանիքներում երեխաներ են ծնվել: