Ձեր վստահելի աղբյուրը

Ադրբեջանագետ Արմինե Ադիբեկյանը գտել է միջազգային մաթեմատիկական օլիմպիադայի արդյունքները, որտեղ էկոնոմիկայի նախարար Վահան Քերոբյանի գրանցած արդյունքը շատ թույլ է։

«Գտել եմ միջազգային մաթեմատիկական օլիմպիադայի արդյունքները, որտեղ մեր Քերոբյան-Պերելմանը... այսպես ասած չի փայլում։

Հայաստանի 175 մասնակիցներից ընդհանուր հաշվարկում (արդյունավետությամբ) զբաղեցնում է 163-րդ տեղը։

Լուծված խնդիրների քանակով՝ 171-րդ տեղ, 3 լուծված խնդիր (համեմատության համար առաջին տեղը զբաղեցրել է Վահե Փոլադյանը՝ 34 խնդիր)

Բացարձակ մեծությամբ՝ 339 (համեմատության համար առաջին տեղն է զբաղեցրել Ներսես Սրապիոնյանը՝ 511)

Տոկոսով՝ 17,96% (համեմատության համար առաջին տեղը զբաղեցնում է Արթուր Բարխուդարյանը՝ 93,45%)։

Կարո՞ղ ենք այս տղաներին հրավիրել վարչապետի և էկոնոմիկայի նախարարի պաշտոնների»,- գրել է Ադիբեկյանն ու հրապարակել աղյուսակը։
 

Ա. Ադիբեկյանի կողմից այս տվյալի հրապարկումը հաջորդել է Քերոբյանի արած գրառմանն ու հրապարակած լուսանկարին։

«Իմ դեմքը, երբ Հայաստանը միջազգային մաթեմատիկական օլիմպիադայում ներկայացրած և ԵՊՀ մաթեմատիկայի ֆակուլտետը գերազանցության դիպլոմով ավարտած մարդուն համբակները (թերուսները) ծաղրում են "սխալ հաշվարկների համար" ։)

Հ.Գ. իմ ավարտական դիպլոմայինը մաթտրամաբանության չլուծված խնդրի լուծում էր»,- գրել է Վահան Քերոբյանը։ 

Ի դեպ՝ Քերոբյանի  ղեկավարի կրթությունը թերի բարձրագույն է։