Ձեր վստահելի աղբյուրը

Ֆրանսիայի արդարադատության նախկին նախարար Քրիստիան Տոբիրան շաբաթ օրը պաշտոնապես հայտարարել է երկրի նախագահի ընտրություններին մասնակցելու իր որոշման մասին: Լուրը հաղորդում է «Ինտերֆաքս»-ը:

«Ես պարտավորվում եմ ստանձնում ձեր առաջ, քանի որ կիսում եմ կառավարման այլ ձևի ձեր ձգտումները»,- Լիոնում համախոհների հետ հանդիպման ժամանակ ասել է նա։

Մասնավորապես, ընտրվելու դեպքում Տոբիրան խոստացել է, որ «ուսանողները հինգ տարով (ուսումնառության ընթացքում՝ IF) կստանան 800 եվրոյի չափով կրթաթոշակներ», ինչպես նաև «կպայքարի խտրականության և անհավասարության դեմ»։

2002 թվականին նա արդեն նախագահական ընտրությունների թեկնածու եղել է Արմատական ձախ կուսակցությունից։ Տոբիրան հանդես էր եկել «Հավասար հնարավորություններ» կարգախոսի ներքո, որից հետո նա առաջին փուլում ստացել էր ձայների 2,32%-ը։

Ֆրանսիայի նախագահական ընտրությունները նշանակված են 2022 թվականի ապրիլին։