Ձեր վստահելի աղբյուրը

Ցրված սկլերոզն անհայտ էթիոլոգիայի ծանր հիվանդությունը, ամենայն հավանականությամբ՝ Էպշտեյն-Բար վիրուսից առաջացած հերպեսի տեսակից վարակի բարդություն է: «ՌԻԱ նովոստի»-ի փոխանցմամբ, այդ մասին ասվում է Հարվարդի համալսարանի գիտնականների կողմից անցկացված հետազոտության մեջ: Հոդվածը հրապարակվել է Science ամսագրում։

Ցրված սկլերոզը կենտրոնական նյարդային համակարգի քրոնիկ բորբոքային հիվանդություն է, որն ազդում է միելինային թաղանթների վրա, որոնք պաշտպանում են ուղեղի և ողնուղեղի նեյրոնները: Դրա պատճառն անհայտ է, և չկա բուժում կամ պատվաստանյութ:

Վարկածներից մեկն ասում է, որ հիվանդությունը կապված է Էպշտեյն-Բառի վիրուսի (EBV) հետ, սակայն մինչ այժմ հնարավոր չի եղել միանշանակ կապ հաստատել, քանի որ հերպեսի վիրուսը ազդում է մեծահասակների մոտ 95 տոկոսի վրա, իսկ ցրված սկլերոզը համեմատաբար հազվադեպ հիվանդություն է:

EBV-ի և ցրված սկլերոզի միջև կապը որոշելու համար Հարվարդի համալսարանի T.H. Chan School of Public Health-ի գիտնականները հետազոտություն են անցկացրել ԱՄՆ բանակի ավելի քան տասը միլիոն անդամների շրջանում և հայտնաբերել 955 մարդու, որոնց մոտ ծառայության ընթացքում ախտորոշվել են սկլերոզ:

Հեղինակները վերլուծել են EBV շիճուկի նմուշները, որոնք յուրաքանչյուր երկու տարին մեկ վերցվել են զինվորականներից և պարզել են, որ Էպշտեյն-Բար վիրուսի կրողների մոտ 32 անգամ ավելի շատ են ցրված սկլերոզի զարգացման հավանականությունը, քան նրանց, ովքեր չունեն հերպեսի վիրուս, նույնիսկ եթե այլ վիրուսներ էլ են եղել: