Ձեր վստահելի աղբյուրը

Ալմաթիում անկարգությունների և ահաբեկչական գործողությունների հետևանքով հասցված վնասի նախնական չափը հասել է գրեթե 260 մլն դոլարի, այդ թվում ՝ բիզնեսի սուբյեկտների ՝ շուրջ 155 մլն դոլարի։ Այս մասին հայտնել է փոխքաղաքապետ Իլյաս Ուսերովը, գրում է «Ռիա Նովոստի» գործակալությունը։ 

«Նախնական տվյալներն, ընդհանուր վնասը կազմել է շուրջ 112,6 մլրդ տենգե, որից 67 մլրդ-ը՝ տնտեսվարող սուբյեկտներին»,- նշել է նա։

Հիշեցնենք, որ Ղազախստանում զանգվածային բողոքի ակցիաներ էին սկսվել հունվարի 2-ին։ Երկրի արևմուտքում գտնվող Ժանաոզեն և Ակտաու քաղաքների բնակիչները դեմ էին հեղուկ գազի գների կրկնակի բարձրացմանը, որից հետո սկսեցին բողոքի ակցիաները՝ տարածվելով նաև այլ քաղաքներում։

Ալմա Աթայում հունվարի 4-ին և 5-ին բախումներ են տեղի ունեցել անվտանգության աշխատակիցների հետ, ոստիկանությունը կիրառել է գազ և խլացուցիչ նռնակներ։ Ողջ Ղազախստանում ինտերնետն անջատվել է, մի շարք հեռուստաալիքների հեռարձակումը ժամանակավորապես դադարեցվել է։ Մինչև հունվարի 19-ը Ղազախստանում արտակարգ դրություն է հայտարարվել և սկսվել հակաահաբեկչական գործողություն։

Երկրի գլխավոր դատախազության տվյալներով՝ անկարգությունների հետևանքով տուժել է 4578 մարդ, մահացել է 225 մարդ, այդ թվում՝ անվտանգության 19 աշխատակից։