Օրենքի կիրառումն որքանո՞վ կնվազեցնի կազինո գնացողների թիվը. Գեղամ Նազարյան
ԱԺ-ում «Հայաստան» խմբակցության պատգամավոր Գեղամ Նազարյանը կառավարության կողմից ներկայացված «Գովազդի մասին» օրենքում փոփոխություններ լրացումներ կատարելու մասին նախագծի քննարկմանը հետաքրքրվեց հիմնական զեկուցող ֆինանսների նախարարի տեղակալ Արմեն Հայրապետյանից, թե արդյո՞ք ուսումնասիրել են համաշխարհային փորձը, գնահատական տրվե՞լ է, թե այս օրենքի կիրառումն որքանով կնվազեցնի կազինո գնացողների, խաղադրույք անողների թիվը:
«Թե՞ այս օրենքով փորձում է արվում տեսական մակարդակով իջեցնել, որի հետևանքով ընդամենը տուժում են նրանք, ովքեր այդ ոլորտներից գովազդներ են ստանում»,- հարցրեց ընդդիմադիր պատգամավորը:
Արմեն Հայրապետյանն ասաց, որ միջազգային ուսումնասիրության համաձայն, գովազդը ներգրավող միջոց է գնահատվում, հենց երիտասարդ տարիքում, անփորձ մարդուն հեշտ է գովազդի ճանապարհով ներգրավել: Նա նշեց, որ բոլոր երկրներն իրենց օրենսդրությամբ ունեն գովազդի սահմանափակում:
«Եվ հետևաբար, եթե բոլոր ուսումնասիրությունները, աշխարհի փորձը կա, ենթադրում ենք, որ այն մարդը, որը պատահական կամ ոգևորության ազդեցության տակ ներգրաված կլինի, այդ մարդկանց որոշակիորեն հետ կպահենք այդ քայլից»,- ասաց ֆինանսների փոխանարարը, սակայն հավելեց, որ կան մարդիկ, որոնք գիտակցված են են գնում գումար ծախսելու:
Գ.Նազարյանը նաև հետաքրքրվեց՝ այսօր Հայաստանի ֆուտբոլի առաջնությունը կրում է շահումով խաղերի ոլորտում գործունեություն իրականացնող կազմակերպություններից մեկի անունը, հիմա սա այս նախագծով կարգավորվո՞ւմ է, թե՞ ոչ, Ա. Հայրապետյանն ասաց. «Ինչ վերաբերվում է ֆուտբոլային թիմով, հեռուստաալիքով հանդես գալուն և հիշեցնելու են ապրանքային նշանը կամ ֆիրմային անվանումը, որը Գովազդի մասին օրենքով արգելված կլինի, բնականաբար կարգելվի»:
Հիշեցնենք, որ նախագծով առաջարկվում է՝ արգելվում է շահումով խաղի կամ ինտերնետ շահումով խաղի կամ խաղատան կամ խաղասրահի կամ տոտալիզատորի կամ դրանց կազմակերպիչների ցանկացած տեսակի գովազդը, այդ թվում՝ ռադիոյով, հեռուստատեսությամբ կամ համացանցով, բացառությամբ իր պաշտոնական կայքի կամ խաղատների կամ շահումով խաղերի կամ ինտերնետ շահումով խաղերի կամ տոտալիզատորի (խաղասրահ, բուքմեյքերային գրասենյակ) շենքերի, շինությունների կամ սրահների մեջ կամ վրա, Հայաստանի Հանրապետության սահմանային մուտքի կետերում, ինչպես նաեւ առնվազն չորսաստղանի կարգին համապատասխան որակավորման պահանջներին եւ չափանիշներին համապատասխան հյուրանոցներում տեղադրվողների կամ սույն հոդվածով սահմանված դեպքերի, իսկ խաղարկությունով կամ համակցված վիճակախաղի գովազդը թույլատրվում է նաեւ խաղարկությունով կամ համակցված վիճակախաղի վաճառակետերում:
Հարակից հրապարակումներ`
Լրահոս
Տեսանյութեր
Մենք Թումանյանին այնքան էլ լավ չգիտենք. Թանգարանի տնօրեն
