Ձեր վստահելի աղբյուրը

Մոսկվայում արագորեն տարածվում է կորոնավիրուսի «օմիկրոն» շտամը։ Այս կապակցությամբ մայրաքաղաքի գլխավոր քիթ-կոկորդ-ականջաբան Անդրեյ Կրյուկովը խորհուրդ է տալիս մեգապոլիսի բնակիչներին ուշադիր հետևել իրենց ինքնազգացողությանը և սկսել բուժումը հիվանդության առաջին իսկ նշաններից հետո, գրում է Росийская Газета-ն։

Փորձագետի խոսքով՝ COVID-19-ի նոր տարատեսակի ախտանիշները գրեթե նույնն են, ինչ սովորական մրսածության դեպքում՝ ցավ և կոկորդի ցավ, քթի արտադրություն։

«Կոկորդի բորբոքումը թեթևացնելու համար ավելի լավ է օգտագործել հակասեպտիկ լուծույթներ: Պետք է պարբերաբար, օրական չորսից հինգ անգամ,ողողում անել: Ցավը մեղմելու համար կարող եք օգտագործել ցավազրկող սփրեյներ։ Շատ կարևոր է, որ դրանք կարելի է օգտագործել օրական երկու-երեք անգամից ոչ ավելի»,- ասել է Կրյուկովը։

Քթի արտադրությունը կարելի է կանխել աղի լուծույթով կամ կաթիլներով: Միաժամանակ բժիշկը հիշեցրել է, որ կաթիլները յոթ օրից ավելի չի կարելի օգտագործել։

«Մեղմ ախտանիշների դեպքում նշված  բուժումը բավարար է, և հակաբիոտիկների ընդունումը բացառվում է: Այս դեղերը պետք է օգտագործվեն միայն բժշկի նշանակմամբ և բուժման նախատեսվող կուրսին խստորեն համապատասխան»,- ընդգծել է Մոսկվայի մասնագետը։

Նա նաև խոսել է տան և աշխատավայրի օդափոխության և խոնավացման կարևոր դերի մասին: Դա, ըստ նրա, կկանխի վարակի տարածումը, ինչպես նաև կհեշտացնի հիվանդության ընթացքը։