Ձեր վստահելի աղբյուրը

«Հայաստան» խմբակցության պատգամավոր Արթուր Ղազինյանը ՀՀ նախագահ Արմեն Սարգսյանի հրաժարականը կապում է արտաքին քաղաքական գործընթացներով, ապա նաև ներքին իշխանական վերադասավորումների  ունեցած ծրագրերով, հատկապես Սահմանադրության փոփոխության իշխանության նախաձեռնած գործընթացի հետ։

ԱԺ-ում լրագրողների հետ ճեպազրույցում Արթուր Ղազինյանը նշեց, որ Ա. Սարգսյանը հրաժարականի տեքստում պարզ ասում է՝ ասելով նախագահի լիազորությունները  պետք է ավելացվեին, բնավ,  նկատի չի ունեցել  կիսանախագահական կամ նախագահական կառավարման անցնելը։

«Սա յուրօրինակ դեմարշ էր Փաշինյանի  մտքում առկա փոփոխությունների  կոնցեպտին առ այն, որ պետք է լինի վերադարձ կիսանախագահական  կառավարման  համակարգին, որովհետև նրանից պահանջելու էին ուղղակի հրաժարական տալ, որ տեղի ունենային  արտահերթ նախագահական ընտրություններ։ Ինքն ավելի շուտ նախաձեռնեց»,- ասաց ընդդիմադիր պատգամավորը։

Արթուր Ղազինյանը նշեց, որ Արմեն Սարգսյանը հայտնի է ողջ աշխարհում  որպես հայկական աշխարհի բավականին ներկայացուցչական դեմք, որին  ճանաչում են արևմտյան ժողովրդավարությունների գրեթե բոլոր առաջնորդները, ունի անձնական շփումներ նրանց հետ, ներկայացում է հայկական էլիտան ողջ  աշխարհում։

«Հետևաբար, տեղեկանալով այն ծրագրերի մասին, որոնք  ունի այս իշխանությունը կապված Ցեղասպանության ճանաչման, Թուրքիայի հետ հարաբերությունների կարգավորման, Արցախի  ապագա ճակատարի հարցերի վերաբերյալ, բնականաբար, չէր ցանկանա մաս կազմել և իր ներկայությամբ լեգիտիմացնել կամ հետագայում հայտնվեր թիրախում»,- ասաց ընդդիմադիր պատգամավորը։