Իշխանության ներկայացուցիչները չեն բարձրաձայնում, որ ՌԴ-ն մեր ռազմավարական դաշնակիցն է, բայց գնում են ՌԴ և «կոշիկ են լիզում»․ Վանեցյան
««Крым наш» արտահայտությունը իշխանությունները շատ «գեղեցիկ» ձևով մանիպուլացրին»,- 24.news-ի «Մերձքաղաքական զրույց» հաղորդման ժամանակ ասել է ԱԺ «Պատիվ ունեմ» խմբակցության ղեկավար Արթուր Վանեցյանը՝ անդրադառնալով ռուս հեռուստամեկնաբան Վլադիմիր Սոլովյովին տված հարցազրույցներից մեկում իր հնչեցրած արտահայտությունը:
Նա նշել է, որ Արցախի ինքնորոշման իրավունքի իրացման համար պայքարողը չի կարող դեմ լինել Ղրիմում բնակվող ժողովրդի ինքնորոշման իրավունքի իրացմանը. «Մենք ունենք Արցախի հարց։ 30 տարի պայքարել ենք Արցախի ժողովրդի ինքնորոշման իրավունքն իրացնելու համար։ Դնենք ամեն ինչ մի կողմ․ ռեֆերենդում է անցկացվել, որի արդյունքում Ղրիմի բնակչության 90 տոկոսից ավելին իր ցանկությունն է հայտնել միավորվել ՌԴ հետ։ Շատ լավ հասկանում եմ՝ ինչ է գեոպոլիտիկան, ինչ է մեծ քաղաքականությունը, բայց եթե մենք ուզում ենք, որպեսզի իրացվի Արցախի ժողովրդի ինքնորոշման իրավունքը, իրավունք ունե՞նք դեմ խոսելու Ղրիմում բնակվող ժողովրդի ինքնորոշման իրացման դեմ»:
Ըստ Ա. Վանեցյանի, Հայաստանի հասարակությունը՝ մեծից փոքր, պահանջում են, որ Ռուսաստանի Դաշնությունը մեզ զենք պետք է տա, պետք է պաշտպանի, տնտեսապես օգնի, մեր ապրանքները պետք է անարգել գնան Ռուսաստան, վաճառվեն. «Բա մենք ի՞նչ պետք է անենք: 44-օրյա պատերազմի ժամանակ, բացի Ռուսաստանից, որևէ այլ պետություն, բացառությամբ Ֆրանսիայի մեկ-երկու հայտարարությունից, մեր կողքին չկանգնեց։ Պատերազմից հետո Արցախի բնակչության անվտանգությունն ապահովում են ռուս խաղաղապահները, մեր սահմանները պահում են ռուսները:
Ի՞նչ անենք՝ ջայլամի պես գլուխներս մտցնենք հողի մեջ ու ասենք՝ չենք տեսնում: Ո՞վ է ասել ՌԴ հետ լավ հարաբերությունների մասին խոսելն ամոթ է»:
Նա ընդգծել է, որ Հայաստանի ինքնիշխանությունն ու անկախությունն իր համար անսակարկելի արժեքներ են, ապա հավելել. «Ես նաև ազնիվ ասում եմ, որ, այո, մեր ռազմավարական գործընկերը Ռուսաստանի Դաշնությունն է, իսկ այն մարդիկ, որոնք չեն բարձրաձայնում դրա մասին, խոսքս հենց գործող իշխանությունների մասին է, բայց գնում են Ռուսաստան և ամենափոքր չինովնիկից մինչև ամենաբարձր չինովնիկ, որտեղ կարողանում են հասնել, Նիկոլ Փաշինյանի բառապաշարով արտահայտվեմ՝ «կոշիկ են լիզում», բայց երբ գալիս են այստեղ, ասում են՝ մենք, մենք, և այլն, և այլն:
Եկեք ազնիվ լինենք և չամաչենք խոսել այն ամենի մասին, ինչի մասին խոսում ենք փակ սենյակներում, ոչ հրապարակային»:
Հարակից հրապարակումներ`
- Պատերազմից հետո խաղաղության դարաշրջանի փոխարեն ստացանք ավելի ծանր վիճակ. Վանեցյան
- Արթուր Վանեցյան. Խորհրդարանում մնալն ինքնպատակ չէ
- Արթուր Վանեցյան. Չպետք է հրաժարվենք միջազգային ատյաններում մեր պարտականությունները կատարելուց
- Վանեցյան. Հայ-թուրքական հարաբերությունների կարգավորման գործընթացը վտանգավոր է, Հայաստանի շահը որևէ կերպ ներկայացված չէ
- Վանեցյան. Աննախադեպ նվաճումների մասին բարձրաձայնող իշխանությունը խնդիրների աննախադեպ փունջ բերեց
- Արթուր Վանեցյան. Հայաստանի այս իշխանություններն ի վիճակի չեն պատշաճ կերպով ներկայացնել ու պաշտպանել Հայաստանի և Արցախի շահերը միջազգային հարթակներում
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
