Ձեր վստահելի աղբյուրը

Գիտնականները պարզել են, որ բնության համար լվացքը չորանոցնելու սարքը կամ չորանոցը վտանգավոր են, գրում է gismeteo.ru-ն։ Ըստ Քենեթ Լյունգի, որը ղեկավարում է Հոնկոնգի քաղաքային համալսարանի քիմիայի ամբիոնը, չորանոցները շահագործման ընթացքում մթնոլորտ են արտանետում պլաստիկ միկրո մանրաթելեր: Նման մեկ սարքը տարեկան դառնում է մոտավորապես 120 միլիոն պոլիմերային մանրաթելերի արտանետման աղբյուր:

Սա ապացուցվել է փորձի ժամանակ։ Լյունգը և գործընկերները ուսումնասիրել են չորանոցի 15 րոպեանոց ցիկլի արդյունքները երկու տեսակի տեքստիլով՝ սինթետիկ և բնական բամբակ: Բամբակը նաև մանրաթելեր է արտանետում,որոնք անվնաս են, քանի որ օրգանական են և համեմատաբար արագ քայքայվում են։

Այնուհետև գիտնականը առաջ է քաշել 3D տպիչի միջոցով չորանոցներից վնասակար արտանետումները վերահսկելու գաղափարը: Դրա վրա Լյունգը և նրա թիմը տպել են պարզ ֆիլտրերի նմուշներ, որոնք կարող են կլանել միկրոթելերը:

Գյուտը, իհարկե, ամբողջությամբ չի վերացնի պոլիմերների բացասական ազդեցությունը։ Լրիվ հաջողության հասնելու համար հագուստի արտադրությամբ զբաղվող ձեռնարկությունները լավ կլիներ վերանայեին իրենց մոտեցումները գործվածքների ընտրության հարցում։