Ձեր վստահելի աղբյուրը

«Նախագծի նպատակն է ՀՀ և Եվրասիական զարգացման բանկի միջև Կայունացման և զարգացման եվրասիական հիմնադրամի միջոցներից  Հայաստանին  1 մլն 719 հազար դոլարի չափով դրամաշնորհ հատկացնելն է»,-կառավարության այսօրվա նիստում ասաց տարածքային կառավարման և ենթակառուցվածքների նախարար Գնել Սանոսյանը՝ ներկայացնելով դրամաշնորհային ծրագիրը:

Նախարարի ներկայացմամբ՝ ծրագրի նպատակն է  հասարակական նշանակության շենքերում էներգախնայողության մակարդակի բարձրացումը և այդ նպատակով 5-6 ուղղությամբ աշխատանքների ծավալումը:

«Գլխավոր խնդրի իրականացման համար ձևակերպվել են առաջարկվող Ծրագրի հետևյալ նպատակները.

•Հանրային նշանակության թվով 20 շենքերում (դպրոց, մանկապարտեզ, հիվանդանոց) էներգախնայողության մակարդակի աճ 50 տոկոսով, ինչը կհանգեցնի տարեկան 3.000 մՎտ*ժամ էլեկտրաէներգիայի խնայողությանը և տարեկան 700 տոննա ածխաթթու գազի արտանետման ցուցանիշի նվազեցմանը:

•Էներգետիկ ծառայություններ մատուցող ենթակառուցվածքների սուբյեկտների կայացում և զարգացման աջակցություն:

•Նվազագույնը 20 մարզային վարչական մարմինների ներկայացուցիչների շրջանում էներգախնայողության վարկերի ներգրավման մեխանիզմների և էներգախնայողության արդյունավետության մասին իրազեկվածության աճ»,-ներկայացված է նախագծի հիմնավորման մեջ: