Ձեր վստահելի աղբյուրը

Հայաստանի բարձրաստիճան պաշտոնյաները ՀՀ զինված ուժերի կազմավորման 30-րդ տարեդարձի առիթով  այցելել են «Եռաբլուր» զինվորական  պանթեոն:

Հիշեցնենք, որ Նիկոլ Փաշինյանը վարակվել է կորոնավիրուսով և ինքնամեկուսացել:

Պաշտպանության նախարար Սուրեն Պապիկյանը բանակի վերաբերյալ լրագրողների հարցերը թողեց անպատասխան։ 

Արտաքին գործերի նախարար Արարատ Միրզոյանը պատասխանելով լրագրողի հարցին, թե 44-օրյա պատերազմի պարտությունից դասեր քաղե՞լ են, ասաց. «Մենք պարտավոր ենք դասեր քաղել, պարտավոր ենք զբաղել մեր պաշտպանական հզորությունների ավելացմամբ և բանակի առողջացմամբ, վերակենդանցմամբ, ինչպես մնացած բոլոր ինստիտուտների։ Որևէ պետություն այլընտրանք չի կարող ունենալ»։ 

Ինչ վերաբերում է հայ-թուրքական բանակցությունների վերաբերյալ քննադատությանը,  նա ասաց․ «Ես չեմ ուզում մեկնաբանել ընդդիմության տեսակետները, բայց հետաքրքրվե՞ք ընդդիմությունից՝ ինչպես  է եղել, որ 90-ականների վերջերից գրեթե որևէ տարի չի եղել, երբ հայ–թուրքական երկխոսության ուղղությամբ որևէ բանակցություն, քննարկում, նամակագրություն կոնտակտ չլինի։ Խնդրում եմ՝ այդ  հեքիաթները դնել մի կողմ»։

Նա նշեց, որ բավական է ապրել խաբկանքի մեջ. «Այն արհավիրքը, որ եղել է մեզ հետ, մեծ ինքնախաբեության արդյունք է, պետք է ուղիղ առերեսվել իրականությանը, ուղիղ խոսել և ոչինչ չթաքցնել։ Պետք չէ գնալ բանակցել մի բան, հետո գալ, հայտարարել այլ բան»։

Ա. Միրզոյանն ասաց, որ ինքն ինչ–որ բանակցում է, ԱԺ հարցուպատասխանի ժամանակ ասում է։

Ուղիղ եթերը՝ news.am-ի։