Ձեր վստահելի աղբյուրը

«Ես որևէ մեկից ակնկալիք չունեմ, ոչ էլ հանդիպում եմ պահանջում։ Ուղղակի ես իմ անհամաձայնությունն եմ հայտնում»,-լրագրողների հետ զրույցում ասաց Հանրապետության հրապարակում ԱՊՊԱ-ի թանկացման դեմ բողոքի ակցիա իրականացնող վարորդներից Սևան Պետրոսյանը:

Օրինակի համար նա նշեց, որ եթե նախկինում իր մեքենայի համար ԱՊՊԱ վճարը տարեկան կազմել է 31 հազար դրամ, նոր օրենքով, եթե վթար չի ունենում, թանկանում է 3 հազար դրամով: Եթե վթարը լինում է իր մեղքով և հարվածում է շատ թանկարժեք մեքենայի, վճարը 300 տոկոսով թանկանում է։

«Սա է մեր դժգոհությունը»,- ասաց վարորդը։ 

Նա նաև տեղեկացրեց, որ ոստիկանները բողոքի ակցիա իրականացնելու համար արձանագրություն կազմեցին՝ որպես պատճառ նշելով «անհարկի երթևեկությունը»:

«Ոստիկանն ասաց, որ 5 հազար դրամ է տուգանքը, բայց ես բողոքարկելու եմ, քանի որ համաձայն չեմ»,-ասաց Սևանը:

Հիշեցնենք, որ վարորդներն այսօր մեքենաներով ԱՊՊԱ վճարների թանկացման դեմ բողոքի ակցիա են իրականացրել Հանրապետության հրապարակում: Ոստիկանները կանգնեցրել են նրանց, բերման են ենթարկել մի քանի վարորդի,  հատուկ տարհանման ծառայության մեքենանարով բողոքող վարորդների մեքենաները հեռացրել հրապարակից։