Ձեր վստահելի աղբյուրը

Տանն ուրախություն է, զրնգում են ARARAT-ով լի գավաթները, կարևոր պետական միջոցառում է՝ զրնգում են ARARAT-ով լի գավաթները, սիրահար զույգի ռոմանտիկ երեկո է՝ զրնգում են ARARAT-ով լի գավաթները, ուզում ես արտասահմանցի հյուրիդ զարմացնել՝ կարևոր ատրիբուտներից մեկը ARARAT-ն է, առօրյա աղմուկից առանձնացած քո սիրած գիրքն ես կարդում կամ ֆիլմը դիտում՝ հիմնականում ARARAT-ով լի գավաթն է ուղեկիցդ։

Հայաստան և կոնյակ. միմյանցից անբաժանելի արդեն 135 տարի։ Բանաձևը պարզ է. Հայաստանում կոնյակը սոսկ խմիչք չէ, մի տեսակ փիլիսոփայություն է, գրավիչ խորհրդավորություն, հետևաբար կոնյակ վայելելն էլ՝ մի առանձին արարողակարգի է վերածվում։ Այլ կերպ լինել չէր կարող, մեր կոնյակը Հայաստանի վառ արևի ու խաղողի յուրահատուկ սորտերի համբույրի ու սիրո ծնունդն է։ Կոնյակը վաղուց է միախառնված մեր կենցաղին: Պատահական չէ, որ մեզանում ամենահարգի ու ծանրակշիռ նվերներից մեկը եղել ու մնում է գեղեցիկ փաթեթավորմամբ բարձրակարգ կոնյակը։

Տարին հոբելյանական է ARARAT-ի համար։

Հայաստանում դեռևս 1887 թվականին հիմնադրված կոնյակի արտադրությունն այս տարի նշում է իր 135-ամյակը։ ARARAT-ը հոբելյանական տարին բացեց ARARAT Ժառանգության նշանավորման երեկոյով։

«2022 թվականը հոբելյանական է հայկական կոնյակագործության և ARARAT -ի համար։ Մեր այս միջոցառումը նվիրված է ARARAT-ի ժառանգությանը, ARARAT-ի 135-ամյա պատմությանը»,- լրագրողների հետ զրույցում ասաց Երևանի կոնյակի գործարանի գործադիր տնօրեն Սերգեյ Խաչատրյանը։

Նա ընդգծեց, որ 135-ամյա հոբելյանը ARARAT-ի ժառանգության, պատմության արժևորման, գնահատման կարևոր հանգրվան է. «135-ամյակը մեր համար լոկ գեղեցիկ թիվ չէ, այլ պատմության մի հանգրվան, որտեղ կարող ենք գտնել վերաիմաստավորման նոր եզերեր։ Մենք այսօր բոլորս միասին տոնում ենք ARARAT-ի ժառանգությունը, պատմությունը, իսկ ARARAT-ի պատմությունը բազմաթիվ հիշարժան, պատմական, արժեքավոր պահերի ամբողջություն է, որի մեջ հյուսված է նաև մեզանից յուրաքանչյուրի պատմությունները, հաջողությունները, հաղթանակները, ծանոթությունները, մեր կյանքի երջանիկ պահերի վայելքը։ Իսկ մեր կյանքի երջանիկ պահերի վայելքը շատ հաճախ ուղեկցվել է դասական կոնյակով լի գավաթներով։ Եվ հենց այդ մարդկային պատմություններ են դարձնում  ARARAT-ի ժառանգությունն իրապես լեգենդար»։

Ս.Խաչատրյանի խոսքով, իրենց համար կարևոր է հոբելյանական տարվա բացումը նշել ARARAT-ի ընկերների հետ, կիսվել ջերմությամբ՝ միասին գրելով ARARAT-ի պատմության նոր էջերը։

Երևանի  կոնյակի գործարանի գործադիր տնօրենն ասաց, որ ARARAT-ն ունի առաքելություն՝ միշտ ներկայացնել ոչ միայն հայկական կոնյակագործության ավանդույթները, այլ նաև հայկական մշակույթը, Հայաստանի, հայ ժողովրդի պատմությունը։

«Մենք բավական մեծ պատասխանատվությամբ ենք վերաբերում այդ առաքելությանը։ Այսօր ARARAT-ը մեծ պատասխանատվությամբ և հաջողությամբ իր առաքելությունն իրականացնում է ոչ միայն Հայաստանում, այլևս աշխարհի տարբեր ծայրերում»,- ընդգծեց Ս. Խաչատրյանը։

Երեկոյի անցկացման վայրը՝ Կարեն Դեմիրճյանի անվան մարզահամերգային համալիրի «Հայաստան» սրահը, պատահական չէ ընտրված։ Երևանի կոնյակի գործարանի արտահանման զարգացման մենեջեր Վարդգես Հովեյանը նշեց, որ երեկոյի բացառիկությունն ամբողջացնում է հենց անցկացման վայրը՝ «Հայաստան» սրահը, որը հանդիսանում է հայկական նրբաճաշակ ճարտարապետության և հյուրընկալության խորհրդանշական վայրերից մեկը։

«Անցյալի, ներկայի ու ապագայի սահմաններից դուրս, բայց և պատմություն կերտող ժամանակի տիրույթում». միջոցառման հեղինակների ստեղծագործական միտքը հանգավորվեց տարածքի ճարտարապետական ու դիզայներական լուծումներով, որոնք գեղարվեստականորեն ներկայացրեցին լեգենդար ժառանգությամբ ապրանքանիշի անցյալը, ներկան ու ապագայի տեսլականը։

Վարդգես Հովեյանի ներկայացմամբ, գեղեցիկ շրջանաձև տարածքում ստեղծել են ոդիսական, որը հյուրերին անցկացրեց 135 տարվա պատմության միջով։

ARARAT-ի ավելի քան դարավոր ժառանգությունը ներկայացվեց հատուկ Art տաղավարում, որտեղ կարելի է տեսնել լեգենդար ապրանքանիշի էվոլյուցիան։ Թանգարանային ճշգրտությամբ ցուցադրվեցին թե օրիգինալ վինտաժային պիտակները, թե 1902 թվականին ստեղծված առաջին  հայկական տեսակավոր կոնյակի՝ «Ընտիր»-ի վերաթողարկված կոլեկցիոն տարբերակը։

«Հյուրի ուղին սկսվում է  ARARAT ժառանգության պատով, որտեղ կարող են տեսնել հին պիտակները, հին կոնյակները, նոր վերաթողարկված ARARAT «Ընտիր»-ը»,- նշեց նա՝ հավելելով, որ, փաստորեն, այս տարի իրենց համար երկտոն է, քանի որ նշում են նաև առաջին տեսակավոր «Ընտիր» կոնյակի 120-ամյակը։ 1902 թվականին Մկրտիչ Մուսինյանցի կողմից ստեղծվել է ARARAT առաջին տեսակավոր «Ընտիր» կոնյակը, ինչի կապակցությամբ այս տարի այն վերաթողարկվել է նոր փաթեթավորմամբ ու կոլեկցիոն տարբերակով։

Վարպետության եզրերն ու կատարելության հավերժական որոնման ներդաշնակությունն ամբողջացրեց ARARAT-ը պատկերող հատուկ ինստալյացիաները, որտեղ հյուրերից յուրաքանչյուրը կարողացավ տեսնել նոր կուպաժներ ստեղծելու արվեստը։

ARARAT նորարարության լաբորատորիայում, Վ. Հովեյանի խոսքով, հյուրերը ծանոթացան վարպետների կարևոր ու մանրակրկիտ աշխատանքին, երբ ընտրում են լավագույն սպիրտները, կոնյակները, լավագույն համերը, որպեսզի ստեղծեն կատարյալ փունջ ու ներկայացնեն սպառողներին։ Այսինքն, հյուրերը մի քանի րոպեում կարողացան պատկերացում կազմել կոնյակի ստեղծման ողջ  ընթացքի մասին։

Միջոցառման հեղինակների մտահղացմամբ՝ դասականի և ավանգարդի միահյուսման գաղափարը փոխաբերականորեն արտացոլված է շրջանաձև ARARAT բարի մեջ, որտեղ միջոցառման հյուրերին հնարավորություն ընձեռվեց համտեսելու ինչպես լեգենդար կոնյակի դասական տարբերակները, այնպես էլ կոկտեյլներ պատրաստված թե ARARAT կոնյակով, թե բրենդի նորորություններով՝ ARARAT Apricot-ի և ARARAT Coffee-ի հիմքով։

Մասնագետների կողմից մշակված հատուկ ձայնային ձևավորումն ապահովեց երեկոյի վառ տրամադրությունը՝ ներառելով տարբեր ժամանակաշրջանները խորհրդանշող երաժշտական ստեղծագործությունները։ Stereotypes խումբն առանջին անգամ հանդես եկավ երաժշտական ծրագրով՝ գրված ARARAT-ի համար։

Միջոցառման հյուրերը խոստովանեցին՝ այստեղ ամեն ինչ իդեալական է, ամեն բան մտածված է տեղին, հնարավորություն ունեցան ծանոթանալ ARARAT-ի ողջ անցած ճանապարհին ու տեսնել ապրանքանիշի զարգացումն այս 135 տարիների ընթացքում։

Դերասան Ներսես Ավետիսյանը հպարտ է, որ ARARAT-ի մասին Ալեքսանդր Խանտի  «Մեկ երկնքի տակ» ֆիլմում ինքն էլ է հանդես եկել։ Միջոցառման ընթացքում լրագրողների հետ զրույցում խոստովանեց՝ նկարահանումների ժամանակ շատ պատմություններ է լսել հայկական կոնյակի մասին, որոնք չի իմացել, չի էլ պատկերացրել, որ այդքան սիրուն մշակույթ է թաքնված  այդ ամենի ինչի հետևում, մինչև որ ARARAT  կոնյակը հասնում է բաժակների մեջ։

Դերասանի  համոզմամբ, ARARAT-ն ազգային ամենակարևոր բրենդներից է։

«ARARAT-ի ամենագեղեցիկ կետերից մեկը հենց մշակույթը ձևավորելու մեջ է։ Բոլոր ընտանեկան, ազգային կարևորագույն իրադարձություններն ուղեկցվում են ARARAT-ով։ Եթե սեղանին ARARAT կա, ուրեմն ամեն ինչ լավ է ու գեղեցիկ»,- նշեց Ն. Ավետիսյանը։

Հանդիսանալով պատմական այս կամ այն դարաշրջանի նորարար՝ ARARAT-ի նորամուծությունները ժամանակի ընթացքում մշտապես վերածվել են ավանդույթների՝ վարպետության, նվիրվածության և անմնացորդ սիրո։

Արձագանքելով ժամանակի մարտահրավերներին՝ ARARAT-ը շարունակում է զարգացնել կոնյակի արտադրությունը՝ հաշվի առնելով համաշխարհային միտումներն ու սպառողների համային նոր նախասիրությունները։ Մարգար Սեդրակյանի դարաշրջանում ստեղծված դասական կոնյակներին զուգահեռ՝ արտադրանքի շարքերում  անընդհատ հայտնվում են  նոր նրբագեղ կուպաժներ։