Ձեր վստահելի աղբյուրը

«Բարձր տետնոլոգիական արդյունաբերության նախագահ Վահագն Խաչատուրյանն առաջադրվել է ՀՀ նախագաի թեկնածու,  ընդ որում առաջադրվել է ԱԺ 65 պատգամավորների կողմից, ինչը որոշակի վստահություն է հաղորդում, որ պարոն Խաչատուրյանը ոչ միայն առաջադրվել է, այլև կընտրվի նախագահի պաշտոնում»,-կառավարության նիստի մեկնարկին հայտարարեց Նիկոլ Փաշինյանը:

Փաշինյանը շեշտեց, որ դեռ չի շնորհավորում Խաչատուրյանին՝ ենթադրելով, որ պատեհ չի առաջադրվելու առիթով շնորհավորել, այլ պատեհ է ընտրվելու առիթով շնորհավորել:

Նա նաև հույս հայտնեց, որ մինչը ԱԺ-ի կողմից ընտրվելը՝ մարտ ամիսը, Խաչատուրյանը լիարժեք կկատարի նախարարի գործառույթը:

Շնորհակալություն հայտնելով վստահության համար՝ Վահագն Խաչատուրյանն ասաց. «Ես հասկանում եմ, թե ինչ է նշանակում հատկապես քաղաքական ուժի համար առաջադրել թեկնածու, այդպես էլ պետք է լիներ: Կուսակցության ներսում հաստատ ավելի արժանի մարդիկ կան և այդ որոշումն իմ անձնական բարձր գնահատականին է արժանի»:

Նախարարի պատկերացմամբ՝ իր թեկնածության առաջադրումը նշանակում է վեր կանգնել ամեն ինչից՝ հանում այն նպատակների, որով առաջնորդվում է այսօրվա կառավարությունը, իշխանությունը և ՔՊ-ն:

Խաչատուրյանը շնորհակալություն հայտնեց ՔՊ-ին, նրա պատգամավորներին և վստահեցրեց, որ իր թեկնածության հետ կապված նախագծվածը իրենց կողմից այդքան խոսացված ծրագերի իրականացման հնարավորություն կտա:

Վահագն Խաչատուրյանի խոսքից հետո Նիկոլ Փաշինյանը ստիպված էր նրան հիշեցնել, որ Նախագահը վերկուսակցական գործունեությամբ է առաջնորդվում:

«Այստեղ խնդիրն այն է, որ ընդհանուր ուղենիշ ու ռազմավարություն ունենալ, պետք է իշխանության բուրգի ներսում հակադիր շարժումներ չլինեն, քանի որ իշխանության ներսում հակադրություններն աշխատանքի մեխանիզմ է խաթարում»,-հայտարարեց Փաշինյանը: