Անվտանգության գոտի ստեղծելն անիրատեսական չէր և չէ՝ առհասարակ. Արման Թաթոյան

Քաղաքական 14:09 04/02/2022 Հայաստան

Անվտանգության գոտի ստեղծելն անիրատեսական չէր և չէ՝ առհասարակ. Արման Թաթոյան

«Երբ մենք անում ենք ամեն ինչ, որ լեգիտիմացնենք, օրինականացնենք ադրբեջանական զինծառայողների ներկայությունը և ցույց չենք տալիս այս խախտումներն ու ժամանակին չենք գործում, հետո ասում ենք՝ անիրատեսական է։ Անիրատեսականության հիմքերը հենց այդպես են ստեղծվում»,-ՄԻՊ արտահերթ զեկույցը ներկայացնելու համար հրավիրված ասուլիսում ասաց Արման Թաթոյանը՝ անդրադառնալով հայ-ադրբեջանական սահմանին ապառազմականացման գոտի ստեղծելու մասին հարցին։

Նրա խոսքով՝ այսօր ադրբեջանական ատելության, թշնամանքի քաղաքականության արտացոլումն է նաև այն խախտումները, որոնք ադրբեջանական զինծառայողները թույլ են տալիս սահմանային խաղաղ բնակիչների նկատմամբ։

Թաթոյանը տեղեկացրեց, որ այդ դեպքերի հիման վրա ՄԻՊԸ առաջարկ է արել միջազգային չափանիշներին համապատասխան մինչև քաղաքական գործընթացների ավարտը, մարդկանց նորմալ կյանքը, անվտանգությունը երաշխավորելու համար շփման գծում ադրբեջանական զինծառայողներ չլինեն։

Նրա խոսքով՝ այդ առաջարկին հետևել են դրական զարգացումները և ԵԽԽՎ-ի սեպտեմբերի 27-ի բանաձևում ամրագրվել էր, որ պետք է ապառազմականացված գոտի լինի:

Արման Թաթոյանը նաև տեղեկացրեց, որ ԵՄ գործընկերների հեր վերջին հանդիպումները ցույց են տվել, որ խնդրի լուծումը հնարավոր է, բայց հենց Հայաստանում են հնչում կարծիքներ ու հայտարարություններ, որ ապառազմականացված գոտու ստեղծումն անիրատեսական է։

«Ցավոք, կան կարծիքներ, դիրքորոշումներ, որ դա անիրատեսական է, բայց այդ հարցն անիրատեսական չէր և չէ՝ առհասարակ»,-շեշտեց ՀՀ ՄԻՊ-ը:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: