«Սա ոչ թե իմ ցանկությունն է, դուք էլ ասում եք՝ չենք ուզել, դրա համար էլ չենք արել, այլ՝ օրենքի պահանջ»

Տնտեսություն 16:07 09/02/2022 Հայաստան

«Քաղաքացիներին հետաքրքրում է, թե կառավարության առաջարկած հարկային փոփոխություններն իրենց կյանքի վրա ինչպես են ազդելու»,-խորհրդարանում Հարկային օրենսգրքում լրացումներ և փոփոխություններ կատարելու մասին նախագիծը ներկայացնող ՊԵԿ նախագահ Ռուստամ Բադասյանին դիմեց պատգամավոր Թադևոս Ավետիսյանը:

Նրա խոսքով՝ հարկային վարչարարությունները և փոփոխությունները գործիքներ են, որոնք պետք է բերեն կամ հարկային եկամուտների ավելացման, որոնք կնպաստեն սոցիալական խնդիների լուծման, կամ բիզնես միաջավայրի լավարկմանը:

Ռուստամ Բադասյանը մինչ այդ տեղեկացրեց, որ նախագծով տրանսֆերային գնագոյացման համակարգը ենթարկվում է փոփոխության՝ հաշվի առնելով միաջազգային փորձի զարգացումը:

Ավելի մատչելի ներկայացնելով փոփոխությունը՝ ՊԵԿ նախագահը հայտնեց, որ այդ մեխանիզմով հարկ վճարողի կասկածելի գործարքները հստակ կանոնակարգված մեթոդներով համեմատվում են շուկայական գների հետ և եթե հարկվող բազան ցածր է շուկայական գներից, այն բարձրացվում է մինչև այդ գների մակարդակը:

Ընդդիմադիր պատգամավորը նկատեց, որ այդ երկու ուղղությամբ էլ ներկայացվող նախագծով գնահատականները չկան:

«Սա ոչ թե իմ ցանկությունն է, դուք էլ ասում եք ՝ չենք ուզել, դրա համար էլ չենք արել, այլ՝ օրենքի պահանջ»,-ասաց ընդդիմադիր պատգամավորը և նկատեց, որ Հարկային օրենսգրքում փոփոխությունը պետք է ուղեկցվի ազդեցության գնահատմամբ, որը «Նորմատիվ իրավական ակտերի մասին» օրենքի պահանջ է:

Ավետիսյանը շեշտեց, որ նախագծի հետ նաև պետք է բերվեր տնտեսության և բյուջեի վրա նրա ազդեցության գնահատականը և պնդեց, որ կառավարությունը պետք է դրա վրա ուշադրություն դարձնի:

Նա Ռուստամ Բադասյանին հոդորեց հարցը ներկայացնելիս անդրադառնալ քաղաքացու կամ սպառողի վրա օրենքի փոփոխության ազդեցությունը:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: