Ձեր վստահելի աղբյուրը

ԱԺ-ն ընդունեց մի շարք օրենքներ և բացասական եզրակացություն տվեց ընդդիմության ներկայացրած միակ նախագծին:

Հիմնականում ՔՊ պատգամավորների ձայներով ընդունվեցին՝ «Ավտոմոբիլային տրանսպորտի մասին» ՀՀ օրենքում փոփոխություն և լրացումներ կատարելու մասին և «Վարչական իրավախախտումների վերաբերյալ» ՀՀ օրենսգրքում փոփոխություն կատարելու մասին  օրենսդրական փաթեթը (առաջին ընթերցմամբ, 24-ժամյա ռեժիմ),

«Արտակարգ իրավիճակներում բնակչության պաշտպանության մասին» օրենքում լրացում կատարելու մասին և Վարչական իրավախախտումների վերաբերյալ ՀՀ օրենսգրքում փոփոխություն և լրացումներ կատարելու մասին օրենսդրական փաթեթը (առաջին ընթերցմամբ, 24-ժամյա ռեժիմ),

«Քաղաքաշինության մասին» օրենքում լրացումներ կատարելու մասին (առաջին ընթերցմամբ),

«Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքում լրացումներ կատարելու մասին (երկրորդ ընթերցմամբ, միաձայն, 97 կողմ),

«Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացում կատարելու մասին և կից փաթեթը (երկրորդ ընթերցմամբ),

«Կուսակցությունների մասին» սահմանադրական օրենքում փոփոխություն կատարելու մասին(առաջին ընթերցմամբ),

ԲԴԽ 5 անդամով որոշումներ կայացնելու դրույթ նախատեսող «Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին և Հայաստանի Հանրապետության քրեական դատավարության օրենսգրքում լրացումներ կատարելու մասին (երկրորդ ընթերցմամբ):

ԱԺ-ն չընդունեց միայն «Հայաստան» խմբակցության ներկայացրած Վարչական իրավախախտումների վերաբերյալ ՀՀ օրենսգրքում փոփոխություններ կատարելու մասին նախագիծը: ՔՊ պատգամավորներից 14-ը մեխանիկորեն կողմ քվեարկեցին բալային համակարգի վերացում նախատեսող ընդդիմության ներկայացրած այդ նախագծին՝ ապահովելով 42 կողմ ձայնը, որը բավարար չէր այն ընդունելու համար:

Նիստը նախագահող ԱԺ փոխխոսնակ Հակոբ Արշակյանը ստիպված էր հայտարարել, որ ՔՊ պատգամավորները շփոթմունքով սխալ են քվեարկել: