Ձեր վստահելի աղբյուրը

Ուկրաինան չի դիմի Դոնեցկի և Լուգանսկի շրջանների՝ իր վերահսկողության տակ չգտնվող տարածքների բռնի զավթմանը՝ խուսափելով խաղաղ բնակչության մեծաթիվ զոհերից։ ՏԱՍՍ-ի փոխանցմամբ՝ այդ մասին ուրբաթ օրը կայացած ճեպազրույցում հայտարարել է Ազգային անվտանգության և պաշտպանության խորհրդի քարտուղար Ալեքսեյ Դանիլովը՝ գերատեսչության նիստի արդյունքներով։

«Մենք չենք կարող դա անել, քանի որ մենք պատասխանատու ենք այսօր այնտեղ գտնվող խաղաղ բնակչության համար: Եթե, Աստված մի արասցե, զորքերն այսօր անցնեն հարձակման, պատկերացնու՞մ եք, թե ինչքան բնակչություն կարող է զոհվել նման իրավիճակում»,-ասել է նա:

Ենթադրությունները, թե Ուկրաինան պատրաստվում է հարձակման անցնել Դոնբասում, Դանիլովն անվանել է «հեքիաթ»։

Միաժամանակ նա վստահություն է հայտնել, որ Դոնբասը և Ղրիմը կվերադառնան Ուկրաինային։ «Դա ժամանակի հարց է»,-ասել է ԱԽ քարտուղարը։ Անդրադառնալով սեփական տարածքի պաշտպանությանը՝ նա ասել է, որ Ուկրաինան ունի բավական ուժեր ու միջոցներ իր երկիրը պաշտպանելու համար։