Ադրբեջանցիները վախն այնքան են կորցրել, որ կարող են Հայաստանի դուռը քացով խփեն մտնեն ու չհարցնեն կարելի՞ է, թե՞ ոչ. Արմինե Ադիբեկյան

Քաղաքական 18:13 21/02/2022 Հայաստան

Ադրբեջանցիները վախն այնքան են կորցրել, որ կարող են Հայաստանի դուռը քացով խփեն մտնեն ու չհարցնեն կարելի՞ է, թե՞ ոչ. Արմինե Ադիբեկյան

«Նախկինում նման այցերի ժամանակ ադրբեջանցիները հիստերիա էին բարձրացնում՝ ասելով, որ վախենում են գալ Հայաստան, լրացուցիչ անվտանգության երաշխիքներ էին պահանջում, իրենց ուտելիքն ու խմելիքն էին բերում, իբր այստեղ հայերն իրենց կթունավորեն»,-«Մարիոթ Արմենիա» հյուրանոցի դիմաց Եվրանեսթի մասնակիցների և ՀՀ քաղաքացիական հասարակության ներկայացուցիչների հանդիպման կապակցությամբ կազմակերպված ցույցի ժամանակ հայտնեց Ադրբեջանի փորձագետ Արմինե Ադիբեկանը:

Նրա խոսքով՝ Ադրբեջանի ներկայացուցիչները միշտ էլ այցելել են Հայաստան, բայց այս այցը հատկանշական համարեց, քանի որ ադրբեջանցիները չեն պահանջել լրացուցիցչ անվտանգության երաշխիքներ:

«Ըստ երևույթին, ադրբեջանցիենրն այնքան չեն հարգում հրավիրող կողմին, կամ վախն այնքան են կորցրել, որ կարող են դուռը քացով խփեն մտնեն ու չհարցնեն կարելի՞ է, թե՞ ոչ»,-հայտարարեց Ադիբեկյանը:

Ադրբեջանի փորձագետը տեղեկացրեց, որ ցույց է անցկացվելու նաև վաղը՝ փետրվարի 22-ին, Կարեն Դեմրճյանի անվան մարզահամերգային համալիրի դիմաց, որտեղ տեղի է ունենալու Եվրանեսթի նիստը:

Նրա խոսքով՝ այսօրվա ցույցը ուղղված է Հայաստանում խոսքի ազատության սահմանափակման բազմաթիվ դեպքերի առաջ եվրոպական կառույցների աչք փակելու պահվածքի դեմ:

Դիմելով ՀՀ իշխանություններին՝ Ադիբեկյանն ասաց. «Ի՞նչ երեսով են նրանք նայում իրենց քաղաքացիների աչքերին, որոնց մատնել են ծանր պատերազմի և կապիտուլյացիայի, ենթարկել ծայրագույն նվաստացման և այսօր մեծարելով ընդունում են այն մարդկանց, ում ձեռքերով այս ամենը տեղի է ունեցել»:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: