Ձեր վստահելի աղբյուրը

ՀՀ-ում իրավունքը որպես այդպիսին ամբողջ ծավալով բռնաբարված է։ Այս մասին մասին «Արմենիա Մարիոթ» հյուրանոցի դիմաց ընթացող ընդդեմ Եվրոպական պատվիրակությունների ներկայացուցիչների բողոքի ակցիայի ընթացքում ասաց  փաստաբան Ալեքսանդր Կոչուբաևը։

«Եկել եմ հստակ ասել ԵՄ-ին և նրա բոլոր պատվիրակներին, բոլոր կազմակերպությունների ղեկավարներին, որ ՀՀ-ն կանգնել է ժողովրդավարության գծից կիլոմետրերով հեռու։ ՀՀ-ի բանտերը վխտում են քաղբանտարկյալներով։ Բայց քաղբանտարկյալներն այս անարխիայի ընդամենը մի մասն են, երբ հազարավող քաղաքացիներ ազատ խոսքի, քաղաքական  դիրքորոշման համար ենթարկվում են բռնաճնշումների, այդ թվում ՝ քրեական հետապնդումների»,- հայտարարեց փաստաբանը։
Նրա խոսքով ՝ վերջերս քրեականացված ծանր վիրավորանքը քաղաքական խոսքի նկատմամամբ ատելության լավագույն արտացոլանքն  է։

Փաստաբանն իր ելույթում հիշատակեց քաղբանտարկյալ Նարեկ Մանթաշյանին, որը իր քաղաքական դիրքորոշման համար հայտնվել է քրեկատարաողական հիմնարկում, որտեղ  շարունակում են ենթարկվել քրեական հետապնդումների։

«Նարեկ Մանթաշյանն ունենալով ինսուլինային կախվածություն, նրան չտրամադրելով ինսուլին, շաքարը բարձրացել է մինչև 27, որը կոմմային մոտ է։ Այս ամենի ֆոնին ԵՄ-ն ճղճղալով ժողովրդավարություն և ժողովրդավարական արժեքներ, ոչնչի չի հասնի։ Այսպես տարբեր ֆորմատներով հանդիպումներվ ոչինչի չենք հասնի։ ՀՀ-ն վաղուց է հեռացել իր ստանձնած պարտավորություններից, մարդու իրավունքները հստակ ոտնահարվում են»,- ընդգծեց փաստաբանը։