Ձեր վստահելի աղբյուրը

Շվեդիան պատրաստ է լրացուցիչ օգնություն ցուցաբերել Ուկրաինային պաշտպանության ուժեղացման հարցում։ Այս մասին հինգշաբթի մամուլի ասուլիսի ժամանակ հայտարարել Է Շվեդիայի վարչապետ Մագդալենա Անդերսոնը, գրում է ՏԱՍՍ։ 

«Շվեդիան Ուկրաինային աջակցություն է ցուցաբերում ինչպես երկկողմ, այնպես էլ ԵՄ-ի միջոցով։ Աջակցության լրացուցիչ միջոցները արդիական կլինեն», - նշել է նա։

Վարչապետը նաև հայտարարել է, որ պաշտպանության նախարար Պիտեր Հուլթքվիստին հանձնարարել է որոշումներ պատրաստել, որպեսզի Շվեդիան կարողանա օգնել Ուկրաինային՝ ուժեղացնելու դիմադրության ուժերը։

Հուլթքվիստը հաստատել է օգնելու իր պատրաստակամությունը: «Շվեդիայի զինված ուժերը պատրաստ են գործել անհատապես և այլ պետությունների հետ միասին, եթե մեր շահերը և մեր երկիրը վտանգի տակ լինեն, հենց հիմա մենք որոշում ենք պատրաստում Ուկրաինային հետագա աջակցության մասին», - ասել է նա։

Հիշեցնենք՝ Ռուսաստանի նախագահ Վլադիմիր Պուտինը հինգշաբթի հայտարարել է, որ ի պատասխան Դոնբասի հանրապետությունների ղեկավարների դիմումի, նա որոշում է կայացրել հատուկ ռազմական գործողություն անցկացնելու մասին: Ռուսաստանի նախագահն ընդգծել է, որ Մոսկվայի պլանների մեջ չի մտնում ուկրաինական տարածքների օկուպացիան: ՌԴ պաշտպանության նախարարությունը հայտնել է, որ ռուս զինվորականները հարվածներ չեն հասցնում Ուկրաինայի քաղաքներին, բարձր ճշգրտության միջոցներով շարքից դուրս են գալիս ռազմական ենթակառուցվածքը: Գերատեսչությունից հավաստիացրել են, որ քաղաքացիական բնակչությանը ոչինչ չի սպառնում: